19 ساۋىردە الەمدىك باسكەتبول تاريحىنداعى ەڭ ۇزدىك ويىنشى دەپ تانىلعان مايكل دجوردان تۋرالى «The Last Dance» دەپ اتالاتىن دەرەكتى فيلم جارىق كورەدى.
57 جاستاعى نيۋ-يورك قالاسىنىڭ تۋماسىنىڭ بۇل سالادا باعىندىرماعان بەلەسى جوق. تەڭدەسسىز ونەرىنە تامسانعان جانكۇيەرلەر ونى «ۇشقىن دجوردان» دەپ اتايتىن. ۇلتتىق باسكەتبول قاۋىمداستىعىنداعى (ۇبق) كوپتەگەن رەكوردتىق كورسەتكىشتەر ءدال وسى ويىنشىعا تيەسىلى. ونىڭ ەسىمى الەمدىك سپورت تاريحىندا الىتن ارىپتەرمەن جازۋلى.
مايكلدىڭ باسكەتبولدان بولەك, باسقا دا كاسىپتەردە ءوزىن مويىنداتتى. ول ءانشى دە, اكتەر دا, بيزنەسمەن دە, شوۋمەن دە... قاي سالادا جۇرسە دە, حالىقتىڭ ىقىلاسىنا بولەندى. ءار باستاعان ءىسىن دوڭگەلەتىپ اكەتىپ, اركەز مول ولجاعا كەنەلدى. بۇگىنگى تاڭدا ول سپورتشىلار قاۋىمى اراسىنداعى الەمدەگى ەڭ باي-اۋقاتتىلاردىڭ ءبىرى.