داۋلەت بولات ۇلى تۋعان ولكەسىندەگى جەرلەستەرىن ەش ۇمىتپايدى.
باي بولساڭ, حالقىڭا پايداڭ ءتيسىن,
باتىر بولساڭ, جاۋىڭا نايزاڭ ءتيسىن, - دەپ ايتقان ەكەن ايگىلى ايتەكە بي.
مىنە, ايتەكە ءبيدىڭ وسى ۇستانىمىن بەرىك ۇستانعان قازاقتىڭ داڭقتى بالۋانى داۋلەت تۇرلىحانوۆ سىن ساعاتتا جەرلەستەرىنە قولداۋ كورسەتىپ, وبلىسىمىزدىڭ 6 اۋدانىنا (اباي, اياگوز, جارما, كوكپەكتى, تارباعاتاي, ءۇرجار) 80 توننا ازىق-ت ۇلىك جىبەرىپتى.
اۆتوكەرۋەننىڭ الدى كەيبىر اۋداندارعا جەتىپ, بالۋاننىڭ جولداعان سالەمدەمەسى الەۋمەتتىك جاعدايى ناشار, كوپ بالالى وتباسىلارعا جانە الەۋمەتتىك وسال توپتارعا تاراتىلا باستادى.
«15 ءساۋىر كۇنى كوكپەكتىگە داۋلەت تۇرلىحانوۆ جولداعان گۋمانيتارلىق كومەك كەلىپ جەتتى. اۋدانعا كەلگەن گۋمانيتارلىق كومەكتى اۋدان اكىمى اسحات سايداحمەت ۇلى باستاعان جۇمىس توبى قارسى الىپ, وكىلىنە داۋلەت بولات ۇلىنا باعىتتالعان حالىقتىڭ لەبىزىن جەتكىزىپ, العىس حات تابىستادى. اۋدان باسشىسى ارنايى قۇرىلعان كوميسسيا مۇشەلەرىنە داۋلەت بولات ۇلى جولداعان كومەك قورىن 250 وتباسىنا قاجەتتىلىكتەرىنە ساي ءادىل ءبولىپ بەرۋدى مىندەتتەدى» دەيدى كوكپەكتى اۋدانى اكىمىنىڭ اپپارات باسشىسى بەك نۇعىباەۆ.
قازىر التى اۋدان تۇرعىندارىنا ۇن, قانت, كۇرىش, ماي سياقتى ەڭ قاجەتتى ازىق-ت ۇلىك ونىمدەرى تاراتىلىپ جاتىر. «داۋلەت بولات ۇلى تۋعان ولكەسىندەگى جەرلەستەرىن ەش ۇمىتپايدى. جاھاندى جايلاعان ىندەت كەزىندە, جۇمىسسىز, الەۋمەتتىك جاعدايى كۇرت تومەندەپ كەتكەن جاندارعا كومەك بەرۋدى ازاماتتىق پارىزى سانايدى» دەيدى وسى يگى شارانى ۇيىمداستىرۋشىلاردىڭ ءبىرى جاندوس ءىلياسوۆ.
شىعىس قازاقستان وبلىسى