ساعاتتار سىرى

مۇراجايدىڭ «اۋدان تاريحى» زا­لىندا ورنالاسقان وسىناۋ جادى­گەر­لەر كەلۋشىلەر تاراپىنان ەرەكشە قى­زى­عۋ­شىلىق تۋدىرادى.

ايتالىق, مىنا ءبىر ساعاتتى سارى­كە­مەر اۋىلىنىڭ تۇرعىنى ايتقۇل مامىت­قۇل ۇلى مۋزەي اشىلعاندا سىيعا بەرگەن. ەرەكشە ۇلگىدەگى ساعات­تىڭ ءبىر بەتىندە « ۇلى وتان سوعىسىنىڭ ارداگەرىنە» دەگەن جازۋ بار. كەلەسى بە­تىندە «قازاقستان پرەزي­دەنتى» دەلىنگەن جانە ەلباسى نۇرسۇلتان ءابىش ۇلى نازارباەۆتىڭ قولى قويىلعان.

مۋزەيدەگى «سسسر» ساعاتى دا ەرەك­شە كوز تارتادى. وعان قاراپ ەرتەرەكتە قولدانىلعان ەسكى جادىگەر ەكەنىن بايقاۋعا بولادى. ساعاتتىڭ ماتەريالى اۋىر تەمىردەن, ايناسى بار قاقپاقتان تۇرادى, بەتىندە بۇركىت بەينەلەنگەن.

تاعى ءبىر تاماشا تۋىندى – اباي قۇنانباي ۇلىنىڭ 150 جىلدىعىنا وراي دايىن­دالعان مەرەكەلىك قول سا­عا­تى. ونى مۇراجايعا عاليا مول­داباە­ۆا ەسىم­دى ازاماتشا تابىستاعان. وسىدان 25 جىل بۇرىن شىققان ساعاتتا قازاق­تىڭ باس اقىنىنىڭ بەينەسى بەينە­لەنىپ, «150 جىل» دەپ جازىلعان.

مۇراجايعا جادىگەر رەتىندە بەرىل­گەن ۋاقىتتى كورسەتەتىن ەرەكشە ۇلگى­دە­گى وسىنداي ءاربىر ساعاتتىڭ وزىن­دىك سىرى بار ءارى سونىسىمەن دە قۇندى.

ايدانا شوتباسوۆا,

بايزاق اۋداندىق تاريحي-ولكەتانۋ مۋزەيىنىڭ قور ساقتاۋشىسى

جامبىل وبلىسى