18 ءساۋىر مەن 10 مامىر ارالىعىندا كەننەت ماكميللاننىڭ حورەوگرافياسىنداعى «مانون», رايموندو رەبەكتىڭ حورەوگرافياسىنداعى «قازىرگى ءسات قانشا ۋاقىتقا سوزىلادى؟», «بەتحوۆەن – ماڭگىلىك – ماحاببات» (كومپوزيتوردىڭ 250 جىلدىعىنا ارنالعان), رولان پەتيدىڭ حورەوگرافياسىنداعى «كوپپەليا» بالەتتەرى جانە «استانا وپەرانىڭ» تاعى دا باسقا جاۋھارلارىنالعاش رەت TengriTVدان ونلاين تاماشالاۋعا بولادى.
ەسكە سالار بولساق, قويىلىم توبى اۆتورلىق قۇقىقتارىن شەكتەۋىنە بايلانىستى «استانا وپەرا» تەاترى ترۋپپاسىنىڭ ورىنداۋىنداعى وسىناۋ سپەكتاكلدەردىڭ بۇعان دەيىن ترانسلياتسياسى جۇرگىزىلمەگەن ەدى. الايدا, كارانتين ۋاقىتىندا ونلاين-كورسەتىلىمگە رۇقسات الىنىپ, ەندى كورەرمەن اۋديتورياسى الەمدىك كلاسسيكا جاۋھارلارىن تولىققاندى تاماشالاۋ مۇمكىندىگىنە يە بولدى.
بۇدان بولەك, كورەرمەن قاۋىم ۆ.موتسارت, و.رەسپيگي, ج.بيزە, پ.چايكوۆسكي, دج.ۆەردي جانە باسقا ايتۋلى تۇلعالاردىڭ شىعارمالارىن «استانا وپەرانىڭ» باس ديريجەرى الان بورىباەۆتىڭ «يتاليادان كەلگەن حاتتار» اۆتورلىق جوباسىنان تىڭداي الادى. ايگىلى ديريجەردىڭ تاعى ءبىر اۋقىمدى جوباسى – گ.مالەردىڭ № 8 سيمفونياسى دۇنيە جۇزىندە زور رەزونانس تۋدىردى. ەسكە سالار بولساق, وعان 1 000-نان استام مۋزىكانت قاتىسقان ەدى.
«ا.ۆيۆالدي مەن ا.پياتستسوللانىڭ: جىلدىڭ سەگىز مەزگىلى», سونداي-اق ك.ورفتىڭ «كارمينا بۋرانا» سىندى تانىمال ءارى كوپشىلىكتىڭ سۇيىكتى شىعارمالارى اتاقتى ديريجەر ابزال ءمۇحيتديننىڭ جەتەكشىلىگىمەن «استانا وپەرانىڭ» حور جانەسيمفونيالىق وركەستر ارتىستەرىنىڭ ورىنداۋىندا شىرقالادى.
«استانا وپەرا» تەاترى 10 مامىرعا دەيىن كورەرمەن نازارىنا جالپى سانى 14 سپەكتاكل ۇسىنادى.