بۇگىن, 15 ساۋىردەگى تۇسكە دەيىنگى مالىمەتتەرگە سايكەس, الماتىداعى 218 مەديتسينا قىزمەتكەرىندە COVID-19 دياگنوزى زەرتحانالىق تالدامالار ارقىلى راستالىپ وتىرعانى ايان.
سوندىقتان دا مەگاپوليستە دارىگەرلەر جەتىسپەۋشىلىگى ورىن الۋى مۇمكىن بە دەگەن باق وكىلدەرىنىڭ الاڭداۋشىلىق بىلدىرگەن ساۋالىنا الماتى قالاسى دەنساۋلىق ساقتاۋ باسقارماسىنىڭ باسشىسى تىلەۋحان ابىلداەۆ:
«مەديتسينالىق قىزمەتكەرلەر اراسىندا كەشە 2 ارىپتەسىمىز اۋىر حالدە جاتقان بولاتىن. بۇگىن ولاردىڭ جاعدايى وڭالىپ كەلەدى. قازىر ولاردىڭ دەنساۋلىعى ورتاشا دەپ باعالاۋعا بولادى. قازىر قالانىڭ ستاتسيونارلارىندا جاتقان 25 ارىپتەسىمىزدىڭ جاعدايى ورتاشا. ال باسقالارىنىڭ جاعدايى قاناعاتتانارلىق. قالادا مەديتسينالىق قىزمەتكەرلەردىڭ جەتىسپەۋشىلىگى بايقالمايدى. 11 كۇننەن سوڭ وقشاۋلانعان دارىگەرلەردىڭ كوپشىلىگى جۇمىسقا شىعادى. «ولار ەمدەۋ مەكەمەلەرىنە قايتا ورالادى دەپ سەنەمىن», – دەپ جاۋاپ بەردى.