بۇكىل تۇرعىنى وزدەرىن الماتىلىق دەپ ەسەپتەسە دە, قۇجات بويىنشا الماتى وبلىسى قاراساي اۋدانىنا قاراستى «اسىل ارمان» تۇرعىنۇي كەشەنى كارانتيننەن شىقتى. 20 مىڭنان استام ادامى بار اتالمىش تۇرعىنۇي كەشەنى 2 ساۋىردەن باستاپ وقشاۋلانعان بولاتىن.
سونىمەن قاراساي اۋداندىق باس مەملەكەتتىك سانيتارلىق دارىگەردىڭ قاۋلىسىنا سايكەس «اسىل ارمان» تۇرعىن ءۇي كەشەنى كارانتيننەن الىندى.
«وبلىستاعى ءۇشىنشى سىرقات جۇكتىلىكتىڭ 21-22 اپتاسىنداعى 1995 جىلعى كەلىنشەك. مۇنان كەيىن وسى تۇرعىن ءۇي كەشەنىندە تۇراتىن 1957 جىلى تۋعان تاعى ءبىر ايەلدىڭ اۋىرعانى انىقتالعان ەدى. وسىعان بايلانىستى كوروناۆيرۋس ينفەكتسياسىنىڭ بۇدان ءارى تارالۋىنا جول بەرمەۋ ماقساتىندا «اسىل ارمان» تۇرعىن ءۇي كەشەنىندە 1 ساۋىردەن باستاپ كارانتين ەنگىزىلگەن. سول ۋاقىتتان بەرى تۇرعىن ءۇي كەشەنى اۋماعىندا مەديتسينا قىزمەتكەرلەرىمەن جانە ءتارتىپ ساقشىلارىمەن بىرگە اسكەري-ەرىكتىلەر دە قىزمەت ەتتى. ۆيرۋس جۇقتىرعان ايەلدەن تاعى دا ساراپتاما الىنعاننان كەيىن ول اۋرۋحانادان شىعارىلدى, ال 1957 جىلى تۋعان تۇرعىن ەم قابىلداپ جاتىر», - دەدى وبلىس اكىمدىگىنىڭ وكىلدەرى.