امەريكانىڭ تەحاس شتاتىنداعى حيۋستون ۋنيۆەرسيتەتىنىڭ عالىمدارى جاپونيادان شامامەن 1,6 شاقىرىم جەردە ورنالاسقان تىنىق مۇحيتىنىڭ سولتۇستىك-باتىسىنداعى بولىگىندە ديامەترى 550 شاقىرىم, ۇزىندىعى 4 شاقىرىمنان اساتىن ءىرى ۆۋلكاننىڭ بار ەكەنىن دالەلدەپ بەردى. بۇل تۋرالى «نەيچۋر گەوساينەس» عىلىمي جۋرنالىنىڭ ەلەكتروندى ۇلگىسىندە جاريالانعان مالىمەتكە سىلتەمە جاساعان يتار-تاسس حابارلادى.
بۇدان بۇرىن بۇل جەردە شاعىن كولەمدى كوپتەگەن ۆۋلكاندار بار دەپ ەسەپتەلگەن. الايدا, زەرتتەۋشىلەر سەيسميكالىق بارلاۋ ءتاسىلىن قولدانا وتىرىپ, شاعىن ۆۋلكانداردىڭ بارلىعى تۇتاس ءبىر گەولوگيالىق قۇرىلىمدى قۇرايتىنىن انىقتادى.
ۆۋلكان شامامەن 145 ملن. جىل بۇرىن تۇزىلگەن. ونىڭ قۇرىلىمىن انىقتاۋ ءۇشىن عالىمدارعا مۇحيت تۇبىندە تەرەڭدىگى 170 مەتر ۇڭعىما قازۋعا تۋرا كەلگەن.
ايدار ورىسباەۆ.