سيرياداعى قارۋلى توپتار حالىققا كومەك كورسەتىپ جاتقان بۇكىلالەمدىك ۇيىمنىڭ قىزمەتكەرلەرىن اشىق تۇردە قورقىتۋدا. بۇل تۋرالى بۇۇ گۋمانيتارلىق ماسەلەلەر بويىنشا باس حاتشىنىڭ ورىنباسارى ۆالەري اموستىڭ مالىمەتىنە سىلتەمە جاساعان يتار-تاسس حابارلادى.
«سوڭعى كەزدەرى ءتۇرلى قۇرىلىمدار گۋمانيتارلىق ۇيىم وكىلدەرىنە قوقان-لوقى كورسەتىپ ءجۇر. وزدەرىڭىز بىلەتىندەي, ءبىزدىڭ قىزمەتشىلەردىڭ اراسىندا ادام ۇرلاۋ دەرەگى ورىن العان. سيرياداعى «قىزىل اي» قوعامىنىڭ بىرقاتار قىزمەتشىسى, سونداي-اق بۇۇ-نىڭ 11 قىزمەتكەرى سودىرلاردىڭ قولىنان قازا تاپتى», – دەپ مالىمدەدى بۇۇ شتاب-پاتەرىندە ءوتىپ جاتقان ءباسپاسوز كونفەرەنتسياسىنا بەينە جەلى ارقىلى قوسىلعان ۆالەري اموس.
تامىزدىڭ ورتاسىندا امەريكانىڭ سي-بي-ەس تەلەارناسى اقش مەملەكەتتىك دەپارتامەنتىندەگى اقپارات كوزىنە سىلتەمە جاساي وتىرىپ, «ال-كايدا» ۇيىمىمەن بايلانىستا بولعان «يراك پەن لەۆانتتىڭ يسلامدىق مەملەكەتى» توبى باتىستىڭ گۋمانيتارلىق قىزمەت وكىلدەرىن جازالاپ نەمەسە توناپ كەتەمىز دەپ قورقىتقانى جايلى حابارلاعان بولاتىن.
ايدار ورىسباەۆ.