قازىرگى كەزدە ۋەفا مەن ەۋروپا كلۋبتارى قاۋىمداستىعى بيىلعى فۋتبول ماۋسىمىن قالاي دا اياقتاۋ جاعىن جان-جاقتى قاراستىرىپ, وسى ماسەلەنى تالقىعا سالۋدا.
Cadena SER تىلشىلەرىنىڭ مالىمەتى بويىنشا بارلىق مەملەكەتتەردىڭ ۇلتتىق چەمپيوناتتارى تامىز ايىنا دەيىن ءوز مارەسىنە جەتۋگە ءتيىس. بۇل ماتچتار كورەرمەنسىز وتەدى. ودان كەيىن چەمپيوندار ليگاسى مەن ەۋروپا ليگاسىنىڭ باسەكەلەرى جالعاسادى. ونىڭ فورماتى ەداۋىر وزگەرىسكە ۇشىرايدى. ناقتىلاپ ايتساق, شيرەك فينالدىق جانە جارتىلاي فينالىق سايىستار ءبىر عانا كەزدەسۋدەن تۇرادى. بۇل ويىندار بەيتاراپ الاڭدا وتەدى. ونداعى ماقسات – ايتۋلى دوپ دوداسىن نەبارى ەكى اپتا ارالىعىندا اياقتاۋ. ال جاڭا فۋتبول ماۋسىمى قىركۇيەك ايىندا باستالادى.
ەستەرىڭىزگە سالا كەتەيىك, كوروناۆيرۋسكە بايلانىستى ەۋروپا ەلدەرىندەگى بارلىق بىرىنشىلىكتەر توقتاتىلدى. قازىرگى كەزدە بەلارۋس چەمپيوناتى عانا جالعاسۋدا.