جامبىل وبلىسىندا جازۋشى-دراماتۋرگ, مەملەكەتتىك سىيلىقتىڭ لاۋرەاتى
اكىم ءتارازيدىڭ 80 جىلدىق مەرەيتويى اتالىپ ءوتتى
نەدەن باستاساق ەكەن؟ مەرەيتويدىڭ ماقالاسىن جاتتاندى سوزبەن-اق جازىپ شىعۋعا بولار ەدى, بىراق ادەبيەتتى اردىڭ ءىسى دەپ سانايتىن اكىم تارازي «اتتەگەن-اي» دەپ قالسا قايتپەكپىز. ويتكەنى, ءوزى دە كەزىندە «سق»-نىڭ «شەكپەنىنەن» شىققان قالامگەر ەمەس پە!؟.
جامبىل وبلىسىندا جازۋشى-دراماتۋرگ, مەملەكەتتىك سىيلىقتىڭ لاۋرەاتى
اكىم ءتارازيدىڭ 80 جىلدىق مەرەيتويى اتالىپ ءوتتى
نەدەن باستاساق ەكەن؟ مەرەيتويدىڭ ماقالاسىن جاتتاندى سوزبەن-اق جازىپ شىعۋعا بولار ەدى, بىراق ادەبيەتتى اردىڭ ءىسى دەپ سانايتىن اكىم تارازي «اتتەگەن-اي» دەپ قالسا قايتپەكپىز. ويتكەنى, ءوزى دە كەزىندە «سق»-نىڭ «شەكپەنىنەن» شىققان قالامگەر ەمەس پە!؟.
قوش, سونىمەن جازۋشى-دراماتۋرگ اكىم ءتارازيدىڭ 80 جىلدىق مەرەيتويى جامبىل وبلىسىنىڭ ورتالىعىندا ءوتتى دەمەسەڭىز, تارازعا ءارىسى استانادان, بەرىسى الماتىدان اتاقتى اقىن-جازۋشىلاردىڭ ءبىرازى توبە كورسەتتى. ورتاسىندا بۇگىندە تارازدىق اتانعان شەرحان مۇرتازا مەن كۇلاش احمەتوۆا بار. ءالبەتتە, قازاقستان جازۋشىلار وداعى ءتوراعاسىنىڭ ءبىرىنشى ورىنباسارى عالىم جايلىباي دا, ارقالى اقىن رافاەل نيازبەكوۆ تە, بەلگىلى كينورەجيسسەر ساتىبالدى نارىمبەتوۆ پەن تەاتر سىنشىسى اشىربەك سىعاي دا وسى شوعىردىڭ ىشىندە ەدى.
مەرەيتوي اكىم تارازيدىكى بولعانىمەن, نەگىزگى توي – حالىقتىكى. تويعا كەلگەن توندىلار كەتكەننەن كەيىن ايتا جۇرەر قىزىق پەن شىجىق تا ەل ىشىندە قالادى. وسىنى ويلاعان بولۋى كەرەك, وبلىس اكىمى قانات بوزىمباەۆ جازۋشى قۋانىشىنىڭ «ءبىسسىمىللاسىن» ۇلتتىق ات سپورتى ويىندارىنان باستاۋدى ءجون كورىپتى. ول ويىن باتىر باۋىرجان مومىش ۇلى اتىنداعى اتشاباردا ءوتىپ, وبلىستىڭ ءتورت اۋدانىنىڭ كوكپارشىلارى ءوزارا «كىم مىقتى؟» دەگەن ماڭگىلىك ساۋالدى انىقتاۋعا كىرىستى. «نە بەل كەتەر, نە بەلبەۋ كەتەر» دەپ باستالعان كوكپار باسەكەسى ساسكە تۇسكە تايانعاندا مارەسىنە جەتىپ, جامبىل اۋدانىنىڭ كوكپارشىلارى باس جۇلدەنى جەڭىپ الدى. جامبىل اۋدانى – اكىم تارازي تۋىپ-وسكەن ءوڭىر. قالامگەر جەڭىمپازدارعا ارنالعان كۋبوكتى ءوز قولىمەن تاپسىردى. ال وبلىس اكىمىنىڭ ورىنباسارى كارىم كوكىرەكباەۆ بولسا وسى ۇلتتىق ات سپورتى ويىندارىن ۇيىمداستىرۋعا باس بولعان وبلىس اكىمىنىڭ اتىنان جەڭىمپازدارعا 1 ميلليون تەڭگە كولەمىندە اقشالاي سىيلىق ۇسىندى. بۇدان كەيىن اۋدارىسپاق, تەڭگە ءىلۋ ويىندارىنان باسەكە باستالىپ, قۇجىناعان حالىق ولاردىڭ دا قىزىعى مەن شىجىعىن ءوزارا ءبولىسىپ جاتتى.
ات سپورتى دەمەكشى, وسى جەردە ءبىزدىڭ ەسىمىزگە اكىم تارازيدىڭ كينودراماتۋرگ رەتىندە تاۋەكەل ەتكەن العاشقى تۋىندىلارىنىڭ ءبىرى «تۇلپاردىڭ ءىزى» ءفيلمى ورالعان. بالا كەزدە تاماشالاساق تا ءالى ۇمىتقان جوقپىز. تەڭىزدىڭ سۋىنداي تۇنىق, ءمولدىر دۇنيە ەدى. بۇل ويىمىزدى توي قوناقتارىنىڭ ءبىرى, بەلگىلى رەجيسسەر ساتىبالدى نارىمبەتوۆ تە قولداپ, وسى ءفيلمنىڭ ستسەناريىن دە, فيلمگە تۇسكەن اكتەرلەردى دە, ءفيلمدى تۇسىرگەن رەجيسسەر ءماجيت بەگاليننىڭ ەڭبەگىن دە شىعارماشىلىق ەرەكشە سۇيىسپەنشىلىكپەن اتاپ ءوتتى. سول كەزدەگى اۋىر تۇرمىس قازىر ارتتا قالعان, ەل ات ۇستاپ, بايگە جاراتىپ, تاۋەلسىز ەلىنىڭ توي-تومالاقتارىندا, مىنە, الىس-جاقىندى «ويپىرايلاتىپ» ولجا سالىپ جاتىر.
ەل دەلىك, كورەرمەندەر دەلىك, «قاراش-قاراش» ءفيلمىن ءبارى جاقسى بىلەدى. كەيبىرەۋلەر, ءتىپتى, ونىڭ كەيبىر قاھارماندارىنىڭ سوزدەرىن جاتقا ايتادى. قىرعىزدار تۇسىرسە دە قازاقتار تۇسىرگەندەي قابىلدايدى. سوندا دەيمىز-اۋ, سول باۋىرلارىمىز وسى اتاقتى ءفيلمنىڭ ستسەناريىن جازعان بەلگىلى جازۋشى اكىم تارازي ەكەنىن بىلە مە ەكەن؟ بىلسە دە ايتپايتىنى (جازبايتىنى) نەسى؟ بۇل سالقىنقاندىلىق, بۇل سابىرلىلىق قايدان شىققان؟ توي ۇستىندە ونىڭ دا جۇمباعى شەشىلدى. «مەن» دەگەن مەنمەندىك اكىم تارازيدىڭ تابيعاتىندا جوق ەكەن. ءوزى ايتپاسا, ءوزى ماقتانباسا, «ىشىمدەگىنى ءوزىڭ تاپ» دەپ تومپيىپ جۇرە بەرسە, كىمنىڭ ءتىلى قىشىپ بارادى دەيسىڭ. ول وسى سابىرلىلىعىنىڭ «ارقاسىندا» مەملەكەتتىك سىيلىققا ۇسىنىلعان جەرىنەن باس تارتىپ, ەكى رەت اعالارىنا جول بەرىپتى. «قاراش-قاراشتى» تۇسىرگەن قىرعىز رەجيسسەرى (ب.شامشيەۆ) كەلىپ, «اكىم اعا, مىنا ءفيلمدى قىرعىز ەلىنىڭ مەملەكەتتىك سىيلىعىنا ۇسىنايىق, ءسىز قالاي قارايسىز» دەسە, اتاق-داڭقتى سۇراپ الۋدان اۋلاق اكىم «ويلانايىن» دەيدى. ويلانعانداعى تاپقانى – «فيلم رەجيسسەرلەرىمەن قوسامجارلانىپ العان مەملەكەتتىك سىيلىقتىڭ بارىنان جوعى جاقسى ەمەس پە؟» دەگەنگە سايادى. ءسويتىپ, ودان دا باس تارتادى. بىراق قىرعىز رەجيسسەرىنىڭ وبالىنا قالعانىن بىلمەيدى. ويتكەنى, ولاردا ستسەناري يەسى سىيلىقتان با