كەشە پالاتا سپيكەرى نۇرلان نىعماتۋليننىڭ توراعالىعىمەن ءماجىلىس بيۋروسى الداعى جالپى وتىرىستىڭ كۇن ءتارتىبىن بەلگىلەدى, دەپ حابارلادى وسى پالاتانىڭ ءباسپاسوز قىزمەتى.
پالاتا قاراۋىنا بىرقاتار راتيفيكاتسيالىق قۇجاتتار ازىرلەندى. «قازاقستان – قىتاي» مۇناي قۇبىرىنا قاتىستى ۇكىمەتارالىق كەلىسىمدى راتيفيكاتسيالاۋدى قاراستىراتىن زاڭ جوباسىن تالقىلاۋ ەنگىزىلىپ, «تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ ادامداردى مەملەكەتارالىق ىزدەستىرۋ تۋرالى شارتىن راتيفيكاتسيالاۋ تۋرالى» زاڭ جوباسى بويىنشا قورىتىندى ازىرلەۋ مەرزىمىن بەلگىلەۋ ۇسىنىلىپ وتىر.
جالپى وتىرىستىڭ كۇن ءتارتىبى جوباسىنا, سونداي-اق, بەسىنشى شاقىرىلعان قازاقستان پارلامەنتى ءماجىلىسىنىڭ ءۇشىنشى سەسسياداعى وكىلەتتىلىگىن جۇزەگە اسىرۋ بويىنشا نەگىزگى ءىس-شارالار جوسپارى تۋرالى ماسەلە دە ەنگىزىلدى. قۇجات ەلباسى نۇرسۇلتان نازارباەۆتىڭ ءۇشىنشى سەسسيانىڭ اشىلۋى بارىسىندا جۇكتەگەن تاپسىرمالارىن ەسەپكە الا وتىرىپ, «قازاقستان-2050» ستراتەگياسىنا سايكەس ازىرلەنگەن.