«ەگەمەن قازاقستاننىڭ» ارناۋلى بەتى
وسكەمەن وڭىرارالىق ينتەگراتسياعا ۇمتىلادى
شىعىسقا جولىمىز ءجيى تۇسەدى. ەلىمىزدىڭ بۇرىنعى قوس وبلىسىن بىرىكتىرگەن, ۇلكەن اۋماقتى الىپ جاتقان شىعىس قازاقستاننىڭ بۇگىنگى اياق الىسى جامان ەمەس. كەلگەن سايىن مۇنداعى وڭدى وزگەرىستەردى كورىپ, كوڭىل توعاياتىنىن ايتا كەتكەن ءجون.
مەملەكەت باسشىسى نۇرسۇلتان نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىندا بەلگىلەنگەن مىندەتتەر مەن تاپسىرمالار شىعىس وڭىرىندە كەزەڭ-كەزەڭىمەن ورىندالىپ جاتقانىنا كۋا بولىپ ءجۇرمىز. ەلباسى مەن ۇكىمەتتىڭ تىكەلەي قامقورلىعىنىڭ ارقاسىندا سوڭعى ءۇش-ءتورت جىل ىشىندە شىعىس قازاقستان وبلىسىندا ايتارلىقتاي وزگەرىستەر جۇزەگە اسىرىلىپ, وبلىس باسشىسى بەردىبەك ساپارباەۆتىڭ باستاماسىمەن اۋقىمدى جوبالار جۇزەگە اسىرىلۋدا.
«ەگەمەن قازاقستاننىڭ» ارناۋلى بەتى
وسكەمەن وڭىرارالىق ينتەگراتسياعا ۇمتىلادى
شىعىسقا جولىمىز ءجيى تۇسەدى. ەلىمىزدىڭ بۇرىنعى قوس وبلىسىن بىرىكتىرگەن, ۇلكەن اۋماقتى الىپ جاتقان شىعىس قازاقستاننىڭ بۇگىنگى اياق الىسى جامان ەمەس. كەلگەن سايىن مۇنداعى وڭدى وزگەرىستەردى كورىپ, كوڭىل توعاياتىنىن ايتا كەتكەن ءجون.
مەملەكەت باسشىسى نۇرسۇلتان نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىندا بەلگىلەنگەن مىندەتتەر مەن تاپسىرمالار شىعىس وڭىرىندە كەزەڭ-كەزەڭىمەن ورىندالىپ جاتقانىنا كۋا بولىپ ءجۇرمىز. ەلباسى مەن ۇكىمەتتىڭ تىكەلەي قامقورلىعىنىڭ ارقاسىندا سوڭعى ءۇش-ءتورت جىل ىشىندە شىعىس قازاقستان وبلىسىندا ايتارلىقتاي وزگەرىستەر جۇزەگە اسىرىلىپ, وبلىس باسشىسى بەردىبەك ساپارباەۆتىڭ باستاماسىمەن اۋقىمدى جوبالار جۇزەگە اسىرىلۋدا.
بىرىنشىدەن, شىعىس قازاقستان وبلىسى – ەلىمىزدىڭ ۇدەمەلى يندۋستريالىق-يننوۆاتسيالىق دامۋىندا جەتەكشى ورىنعا يە ءوڭىر سانالادى. ويتكەنى, مۇندا ەل يندۋسترياسىنىڭ لوكوموتيۆىنە اينالعان «قازمىرىش», «ءۇمز», «تمك» سىندى كاسىپورىندار ورنالاسقان. وسكەمەن قالاسىنداعى «ازيا اۆتو» زاۋىتى وتاندىق كولىك شىعارۋ وندىرىسىندە العاشقى ورىنعا يە. جالپى, بۇگىنگى تاڭدا وڭىردە 53 ينۆەستيتسيالىق جوبا جۇزەگە اسىرىلۋدا. يندۋستريالاندىرۋ كارتاسىنا اۋدانداردى تارتۋدا دا بىرقاتار جۇمىستار اتقارىلىپ جاتىر.
ەكىنشىدەن, ەلەكتر قۋاتىنىڭ بالاما كوزىن ىزدەستىرۋ جۇمىستارىن ايتۋعا بولادى. سوگرا كەنتىندە ورنالاسقان «Kazakhstan Solar Silicon» زاۋىتىندا الداعى ۋاقىتتا كۇن ەنەرگياسىنان ەلەكتر قۋاتىن الاتىن فوتوەلەكترلىك پلاستينالار, ياعني كۇن باتارەيالارى وندىرىلەتىن بولادى. ەڭ باستىسى, بۇل – ەلەكتر قۋاتىن ءوندىرۋدىڭ ەڭ ەكولوگيالىق تازا ءارى قاۋىپسىز ءتاسىلى. سونداي-اق, وڭىرگە ەلەكتر قۋاتىن تاراتۋدا نەگىزگى ءرول اتقاراتىن وسكەمەن جانە ءشۇلبى سۋ-ەلەكتر ستانسالارى قايتا جاڭعىرتىلۋدا. زايسان اۋدانىندا تابىلعان گاز كەنىشىن ءتيىمدى يگەرۋ ارقىلى وسكەمەن مەن سەمەي سياقتى ءىرى قالالاردى گازداندىرۋ جانە كولىكتەردى گاز وتىنىنا كوشىرۋ جوبالارى دا قاراستىرىلۋدا.
ۇشىنشىدەن, شىعىس قازاقستان وبلىسى ينتەگراتسيالىق بايلانىستاردى جولعا قويۋدا وزگەلەردەن كوش ىلگەرى دەۋگە نەگىز بار. اتاپ ايتقاندا, كورشىلەس رەسەي فەدەراتسياسىنىڭ التاي رەسپۋبليكاسىمەن, موڭعول حالىق رەسپۋبليكاسىنىڭ بايان-ولگي ايماعىمەن ەكونوميكالىق بايلانىستارعا قول جەتكىزدى. بۇگىنگى تاڭدا رەسەي, قىتاي جانە موڭعوليا مەملەكەتتەرىنىڭ كاسىپكەرلەرىمەن بىرلەسكەن كاسىپورىندار جۇمىس ىستەي باستادى.
بيىلعى جىلى وڭىردە «قۋاتتى ايماقتار – قۋاتتى قازاقستان!» اتتى ءوڭىرارالىق فورۋم وتكەنى بەلگىلى. قازىرگى تاڭدا پاۆلودار, قاراعاندى, الماتى جانە شىعىس قازاقستان وبلىستارى ءوزارا قارىم-قاتىناستاردى دامىتۋدىڭ جاڭا كەزەڭىنە شىقتى. بۇل – وبلىس اۋماعىندا وندىرىلەتىن ءونىمنىڭ نارىقتىق باسەكەلەستىككە بەيىمدىلىگىن, ونىڭ وتىمدىلىگىن, كاسىپورىندار مەن شارۋا قوجالىقتارىنىڭ ءوزارا تاجىريبە الماسۋىن قامتاماسىز ەتەدى. ءسويتىپ, ۇلكەن نارىقتىق كەڭىستىكتى قالىپتاستىرادى.
مۇنىڭ ءبىر ايعاعى – جۋىردا اباي ەلىندە وتكەن «شىڭعىستاۋ» جارمەڭكەسى. وسى جارمەڭكەگە قاتىسا وتىرىپ, وبلىستىڭ مال شارۋاشىلىعىنداعى قول جەتكىزگەن جەتىستىكتەرىن كوزىمىزبەن كوردىك. بۇل جارمەڭكەدە ءوڭىردىڭ شارۋا قوجالىقتارى كورشىلەس وبلىستارمەن ساۋدا-ساتتىق جاساۋ بارىسىندا 1 ميلليارد تەڭگەنىڭ اسىل تۇقىمدى مال تۇرلەرىن وتكىزدى. وڭىردەگى مال باسىنىڭ سانى بۇگىندە 4 ميلليوننان اسادى. ياعني, 260-قا جۋىق مال ءوسىرۋ فەرمالارى بار ەكەن. رەسپۋبليكا بويىنشا ءسۇت وندىرۋدەن ءبىرىنشى ورىنعا, ەت وندىرۋدەن ەكىنشى ورىنعا تابان تىرەدى.
تورتىنشىدەن, شىعىس قازاقستانعا عا