كەشە قازاقستان رەسپۋبليكاسى پارلامەنتى سەناتىنىڭ توراعاسى قايرات ءماميدىڭ تۇركىمەنستانعا رەسمي ساپارى باستالدى.
ءبىر تامىردان تاراعان, بويلارىندا بۋىرقانا ويناعان تۇركىلىك قانى بار جۇرتتىڭ سانى كەيبىر زەرتتەۋشىلەردىڭ ۇيعارىمىنشا 200 ملن. شاماسىندا دەسە, سولاردىڭ كوپشىلىگىنە دەربەس مەملەكەت اتانۋدى تاعدىر ماڭدايىنا جازباعان ەكەن. تەك التاۋىنا عانا ءوز الدىنا تاۋەلسىز مەملەكەت ەتۋ باعى بۇيىرسا, سونىڭ ءبىرى ءبىز دە, ەندى ءبىرى تۇركىمەندەر.
كەشە قازاقستان رەسپۋبليكاسى پارلامەنتى سەناتىنىڭ توراعاسى قايرات ءماميدىڭ تۇركىمەنستانعا رەسمي ساپارى باستالدى.
ءبىر تامىردان تاراعان, بويلارىندا بۋىرقانا ويناعان تۇركىلىك قانى بار جۇرتتىڭ سانى كەيبىر زەرتتەۋشىلەردىڭ ۇيعارىمىنشا 200 ملن. شاماسىندا دەسە, سولاردىڭ كوپشىلىگىنە دەربەس مەملەكەت اتانۋدى تاعدىر ماڭدايىنا جازباعان ەكەن. تەك التاۋىنا عانا ءوز الدىنا تاۋەلسىز مەملەكەت ەتۋ باعى بۇيىرسا, سونىڭ ءبىرى ءبىز دە, ەندى ءبىرى تۇركىمەندەر.
اق ءمارماردان قالانعان, اجارى تولعان ايداي تولىسىپ, ۇلتتىق بەدەرى ءاربىر تىنىسىنان سەزىلەتىن اشعابادتا شىجىعان ىستىق. اۋە اينالعانداي كۇيدىرىپ تۇرعان التىن كۇن تۋىسقان كەلدى دەپ ىستىق قۇشاعىن اشقانداي. كەشىنىڭ ءوزى 33 گرادۋستى كورسەتسە, كۇندىزگى 43-ءتى قالىپتى جاعداي سانايتىن تۇركىمەن باۋىرلار قازاقستان پارلامەنتى سەناتى توراعاسىنىڭ ساپارىنا ۇلكەن ءمان بەرگەنىن قولىمىزعا تيگەن باعدارلامادان اڭعاردىق. سوندىقتان دا, كورگەن-بىلگەنىمىزدى شاشاۋىن شىعارماي وقىرمانعا جەتكىزۋدى موينىمىزعا الدىق.
جالپى, ەكى ەل اراسىنداعى قارىم-قاتىناستىڭ قاپىسى جوق. مەملەكەت باسشىلارىنىڭ كەزدەسۋلەرى مەن ەكىجاقتى وتكەن ساپارلار ىنتىماقتاستىق بايلانىستاردى كەڭەيتە تۇسكەن. تۇركىمەنستان پرەزيدەنتى گۋربانگۋلى بەردىمۇحامەدوۆ 2008, 2009, 2010 جىلدارى ەلىمىزدە وتكىزىلگەن ءتۇرلى شارالارعا قاتىسسا, بيىلعى جىلدىڭ مامىر ايىندا قازاقستانعا مەملەكەتتىك ساپارمەن ارنايى جول تارتقانى ءمالىم. ءبىزدىڭ ەلباسى نۇرسۇلتان نازارباەۆتىڭ 2009 جىلى «ءتۇركىمەنستان-وزبەكستان-قازاقستان-قىتاي» گاز قۇبىرىنىڭ اشىلۋ سالتاناتىنا جانە 2012 جىلى تمد مەملەكەت باسشىلارىنىڭ كەزدەسۋى كەزىندە جۇمىس ساپارىمەن تۇركىمەن توپىراعىنا تابانى تيگەن. تامىرى ءبىر تۋىس ەلدەر اراسىنداعى وسىنداي بارىس-كەلىس قارىم-قاتىناستاردى بارلىق سالالاردا وربىتۋگە جول اشتى.
سەنات توراعاسى كەشە ەرتەڭگىلىك اشعابادتاعى جۇمىسىن تۇركىمەنستان سىرتقى ىستەر مينيسترلىگى جانىنداعى حالىقارالىق قاتىناستار ينستيتۋتىنىڭ ستۋدەنتتەرى مەن پروفەسسور-وقىتۋشىلار قۇرامى الدىنداعى ءسوز سويلەۋمەن باستادى.
«تۋىستاس تۇركىمەن ەلىنىڭ بولاشاق ديپلوماتتارى الدىندا ءسوز سويلەگەنىمە قۋانىشتىمىن», دەپ جينالعاندار ىقىلاسىن وزىنە اۋدارىپ العان توراعا ولارعا مەملەكەت دامۋىنىڭ قازاقستاندىق جولىن, ەلىمىزدىڭ سىرتقى ساياساتتاعى ۇستانىمدارىمەن بىرگە, قازاق-تۇركىمەن ىنتىماقتاستىعىنىڭ نەگىزگى قىرلارىن اتاپ كورسەتتى.
تاۋەلسىزدىك جىلدارىندا قول جەتكەن تابىستاردى ورتاعا سالعان ق.ءمامي ەلىمىزدىڭ العا قويعان «قازاقستان-2050» ستراتەگيالىق ماقساتىن, ونداعى باستى باعىتتاردى تاراتىپ ايتىپ بەردى. العا قويعان بەلەستەردى باعىندىرۋدا ەكونوميكانى تۇبەگەيلى وڭتايلاندىرۋ ءۇشىن كاسىپكەرلىكتى رەتتەۋ ىسىنە مەملەكەتتىڭ مەيلىنشە از قاتىستىرىلۋىن, بۇل تۇرعىدا بارلىق سالادا جەكەمەنشىك سەكتوردىڭ ۇلەسىن ۇلعايتا بەرۋ كوزدەلىپ وتىرعانىن العا تارتتى. سونداي-اق, ەل ەكونوميكاسىنىڭ «جاسىل» باعىتتا دامۋىنا دەن قويۋ مەن ەكسپو-2017 كورمەسىن وتكىزۋگە توقتالىپ, ونىڭ وسى ورتالىق ازيا ءوڭىرىنىڭ دامۋىنا تيگىزەر وڭ اسەرىن دە نازاردان تىس قالدىرمادى.
توراعانىڭ العا تارتقان ماڭىزدى ماسەلەلەرىنىڭ قاتارىندا تۇركى الەمىنىڭ ينتەگراتسياسى دا اتالدى. سونىمەن قاتار, 2014 جىلى كواليتسيا كۇشتەرىنىڭ اۋعانستاننان اكەتىلۋىنە بايلانىستى ايماقتىڭ تۇراقتىلىعىنا قاتىستى ورتالىق ازيا مەملەكەتتەرى ىنتىماقتاستىعىنىڭ ماڭىزدىلىعى كولدەنەڭ تارتىلدى. جينالعاندار ق.ءماميدىڭ جان-جاقتى, كوپتەگەن ماڭىزدى اسپەكتىلەردى قامتىعان ءسوزىن ۇلكەن ىقىلاسپەن تىڭدادى.
سەنات توراعاسىنىڭ ءتۇركىمەنستان پرەزيدەنتى گۋربانگۋلى بەردىمۇحامەدوۆپەن كەزدەسۋىندە ەكىجاقتى ىنتىماقتاستىقتىڭ وزەكتى ماسەلەلەرى ءسوز ەتىلدى. پرەزيدەنت مامىر ايىنداعى ەلىمىزگە ساپارىن جىلىلىقپەن ەسكە الىپ, پرەزيدەنت نۇرسۇلتان نازارباەۆپەن بولعان جەمىستى كەزدەسۋلەرى مەن ىسكە قوسىلاتىن ءىرى قازاقستان-تۇركىمەنستان جوبالارىنا ريزاشىلىعىن جەتكىزدى. سونىمەن قاتار, ساۋدا-ەكونوميكالىق قاتىناستاردىڭ وڭ قارقىنى مەن كولىك-كوممۋنيكاتسيا سالاسىنداعى ىنتىماقتاستىقتىڭ الەۋەتى مولدىعىنا توقتالدى. 2014 جىلى «سولتۇستىك-وڭتۇستىك» باعىتىنداعى تە