دسم تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ ۇجىمى «ابدي يبراحيم گلوبال فارم «جشس-ءنىڭ باس ديرەكتورى زياتحان احمەد ۇلى گاسانوۆتىڭ مەزگىلسىز قايتىس بولۋىنا بايلانىستى تۋعان-تۋىستارى مەن جاقىندارىنا قايعىرىپ كوڭىل ايتادى. بۇل تۋرالى مەملەكەتتىك كوميسسيانىڭ شۇعىل شتابىنىڭ Telegram پاراقشاسىندا جاريالاندى.
«ول العاشقىلاردىڭ ءبىرى بولىپ مەديتسينا قىزمەتكەرلەرى مەن قازاقستاندىقتارعا كوروناۆيرۋس ينفەكتسياسىمەن كۇرەستە كومەكتەسىپ, وكىنىشكە وراي, وسى ىندەتتىڭ كەسىرىنەن كوز جۇمدى.زياتحان احمەد ۇلى ءوز ءىسىنىڭ شەبەرى بولدى, ول ەلىمىزدىڭ فارماتسەۆتيكا سالاسىنىڭ دامۋىنا زور ۇلەسىن قوستى. وعان قوسا, ءوزىنىڭ سىرقاتتانىپ جۇرگەنىنە قاراماستان, جالپىعا بىردەي تونگەن قاۋىپكە بەي-جاي قاراماي, ەلىمىزگە COVID-19 ۆيرۋسىمەن كۇرەستە ولشەۋسىز كومەگىن تيگىزدى. تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ اۋماقتىق دەپارتامەنتتەرىنىڭ مەديتسينا قىزمەتكەرلەرىنە جەكە قورعانىش قۇرالدارىن تەگىن بەردى.جانى جايساڭ ازامات, اكە, ۇل, تاماشا باسشىنىڭ ومىردەن وزۋىنا بايلانىستى قايعىرىپ كوڭىل ايتامىز. زياتحان احمەد ۇلىنىڭ وتباسىمەن جانە ءوزى قۇرعان كاسىپورىن ۇجىمىمەن ورنى تولماس قايعىعا ورتاقتاسا وتىرىپ, كوڭىل ايتامىز. ءبىز قازاقستاننىڭ لايىقتى ازاماتى تۋرالى جاقسى ەستەلىكتەردى جۇرەگىمىزدە ساقتايمىز», - دەلىنگەن حابارلامادا.