تەستىلەۋ – بىلىكتىلىكتى انىقتاۋدىڭ ءتيىمدى تەتىگى

كەشە مەملەكەتتىك قىزمەت ىستەرى اگەنتتىگىندە مەملەكەتتىك قىزمەتتى جەتىلدىرۋ ماسەلەلەرى جونىندەگى ساراپتامالىق كەڭەستىڭ ونىنشى وتىرىسى بولىپ ءوتتى.

ەلباسى پارلامەنتتىڭ ءۇشىنشى سەسسياسىن اشارداعى سوزىندە قازاقستاندا مەملەكەتتىك قىزمەتتىڭ جاڭا ۇلگىسى جاساقتالعانىن ايتىپ وتكەن-ءدى. مەملەكەتتىك قىزمەت ىستەرى اگەنتتىگىنىڭ جانە ساراپتامالىق كەڭەس توراعاسى ءاليحان بايمەنوۆ وسى رەتتە قازاقستاندىق ۇلگى ەڭ وزىق دامىعان ەلدەر ساراپشىلارى مەن مەملەكەتتىك ورگاندارىنىڭ جوعارى باعاسىن الىپ جاتىر دەگەندى باسا ايتتى.

كەشە مەملەكەتتىك قىزمەت ىستەرى اگەنتتىگىندە مەملەكەتتىك قىزمەتتى جەتىلدىرۋ ماسەلەلەرى جونىندەگى ساراپتامالىق كەڭەستىڭ ونىنشى وتىرىسى بولىپ ءوتتى.

ەلباسى پارلامەنتتىڭ ءۇشىنشى سەسسياسىن اشارداعى سوزىندە قازاقستاندا مەملەكەتتىك قىزمەتتىڭ جاڭا ۇلگىسى جاساقتالعانىن ايتىپ وتكەن-ءدى. مەملەكەتتىك قىزمەت ىستەرى اگەنتتىگىنىڭ جانە ساراپتامالىق كەڭەس توراعاسى ءاليحان بايمەنوۆ وسى رەتتە قازاقستاندىق ۇلگى ەڭ وزىق دامىعان ەلدەر ساراپشىلارى مەن مەملەكەتتىك ورگاندارىنىڭ جوعارى باعاسىن الىپ جاتىر دەگەندى باسا ايتتى.ونىڭ سوزىنە قاراعاندا, مەملەكەتتىك قىزمەتتىڭ جاڭا ۇلگىسىن قالىپتاستىرۋ باعىتىندا 12 جارلىق قابىلدانىپ, تاعى بەسەۋى ءتيىستى ورگاندار تاراپىنان كەلىسىلگەننەن كەيىن ۇكىمەت قاراۋىنا ەنگىزىلگەن. ءسويتىپ, مەملەكەتتىك قىزمەت سالاسىنىڭ زاڭنامالىق بازاسى جان-جاقتى جاساقتالىپ, ءالى دە جەتىلدىرىلەتىن بولادى.

قازىرگى تاڭدا مەملەكەتتىك قىزمەت سالاسىندا قازاقستان الەمنىڭ دامىعان ەلدەرىنىڭ ۋاكىلەتتى ورگاندارىمەن مەموراندۋمدارعا قول قويىپ, مەملەكەتتىك قىزمەت ىستەرى اكادەمياسى مەن پەرسونالداردى باسقارۋ ورتالىعىنىڭ حالىقارالىق ىنتىماقتاستىعى كەڭەيە تۇسكەن. بۇقارالىق اقپارات قۇرالدارى مەن ۇكىمەتتىك ەمەس ۇيىمدارىنىڭ وكىلدەرى كەز كەلگەن مەملەكەتتىك ورگاننىڭ كونكۋرستىق كوميسسيالارى وتىرىستارىنا بايقاۋشى رەتىندە قاتىسا الادى. بۇدان باسقا, لاۋازىمدى تۇلعانىڭ كادرلىق شەشىمدەر ءۇشىن جاۋاپكەرشىلىگى ارتتىرىلعان.

زاڭسىز كادرلىق شەشىم ۇعىمى ەنگىزىلىپ وتىر, دەپ ءسوزىن ساباقتاعان ساراپتامالىق كەڭەس توراعاسى مەملەكەتتىك قىزمەتتەگى تالانتتاردى باسقارۋ جۇيەسىن قۇرۋ كوزدەلگەندىگىمەن دە بولىسە كەتتى. سونىمەن قاتار, مەملەكەتتىك قىزمەتشىلەردىڭ جۇمىسىن باعالاۋ, ولاردى وقىتۋ ارقىلى بىلىكتىلىگىن ارتتىرۋ قولعا الىنعان. قازان ايىنىڭ باسىندا «ا» كورپۋسىنا جاتاتىن لاۋازىم يەلەرىنە ارناپ سەمينارلار وتكىزىلەدى دەپ كۇتىلۋدە. وسى ورايدا, مەملەكەتتىك قىزمەتشىلەردى تەستىلەۋ جۇيەسى بارىنشا جەتىلدىرىلگەنى اتاپ ءوتىلدى. الداعى اپتادا تەستىلەۋدى ماسەلەسىمەن اينالىساتىن كومپانيا جۇمىسىنا كىرىسكەلى وتىر ەكەن.

ساراپتامالىق كەڭەستىڭ جۇمىس شەڭبەرىندە «مەملەكەتتىك قىزمەت پەرسونالىن باسقارۋدىڭ «ە-قىزمەت» بىرىكتىرىلگەن اقپاراتتىق جۇيەسىن (باج) قۇرۋ تۋرالى» باياندامانى مەملەكەتتىك قىزمەت ىستەرى اگەنتتىگىنىڭ مەملەكەتتىك قىزمەت پەرسونالىن باسقارۋ ءبولىمى مەڭگەرۋشىسىنىڭ ورىنباسارى وڭعارباي دانەبەكوۆ جاسادى. ال «مەملەكەتتىك قىزمەتشىنىڭ ەلەكتروندىق پاسپورتى – «ە-قىزمەت» جۇيەسىنىڭ اقپاراتتىق بىرلىگى» جونىندە پاۆلودار وبلىسى اكىمى اپپاراتىنىڭ «پاۆلودار ايماقتىق مەملەكەتتىك قىزمەتشىلەردى قايتا دايارلاۋ جانە بىلىكتىلىگىن ارتتىرۋ ورتالىعىنىڭ» ديرەكتورى گۇلنارا يسەنوۆا بايانداپ بەردى.

جالپى, ساراپتامالىق كەڭەس ءوزىنىڭ وتىرىسىندا مەملەكەتتىك قىزمەتتىڭ جاڭا مودەلىن جەتىلدىرۋ جانە بىرىكتىرىلگەن اقپاراتتىق جۇيەمەن بارىنشا قامتۋ ماسەلەلەرىن جان-جاقتى تالقىعا سالدى. الدا دا بىرقاتار جۇمىستاردىڭ اتقارىلارى بەلگىلى بولىپ وتىر.

اسقار تۇراپباي ۇلى,

«ەگەمەن قازاقستان».