قازاق ۇلتتىق پەداگوگيكالىق ۋنيۆەرسيتەتىندە جاراتىلىستانۋ جانە گەوگرافيا ينستيتۋتىنىڭ ۇيىمداستىرۋىمەن ءارى رەسەيلىك ارىپتەستەردىڭ قاتىسۋىمەن «جاراتىلىستانۋ-عىلىمي پاندەرى بويىنشا تسيفرلىق وقىتۋدىڭ وزەكتى ماسەلەلەرى» تاقىرىبىندا حالىقارالىق عىلىمي-ادىستەمەلىك ۆەبينار ءوتتى.
ۆەبينارعا اباي اتىنداعى قازۇپۋ-دىڭ ءبىرىنشى پرورەكتورى ماقتاعالي بەكتەمەسوۆ, ماسكەۋ قالالىق پەداگوگيكالىق ۋنيۆەرسيتەتى جاراتىلىستانۋ جانە سپورت تەحنولوگيالارى ينستيتۋتىنىڭ ديرەكتورى الەكساندر سترادزە, اباي اتىنداعى قازۇپۋ-دىڭ وقۋ ءىسى جونىندەگى پرورەكتورى اسان ساتمىرزاەۆ, عىلىمي جۇمىس جانە حالىقارالىق ىنتىماقتاستىق جونىندەگى پرورەكتورى اقتولقىن قۇلساريەۆا, اكادەميالىق ماسەلەلەر جونىندەگى دەپارتامەنت ديرەكتورى حايرۋللا جانبەكوۆ, عىلىم دەپارتامەنتىنىڭ ديرەكتورى سايابەك ساحيەۆ, ءبىلىم بەرۋدى اقپاراتتاندىرۋ دەپارتامەنتىنىڭ ديرەكتورى باحىتجان احمەتوۆ, جاراتىلىستانۋ جانە گەوگرافيا ينستيتۋتىنىڭ ديرەكتورى كۇلاش كايمۋلدينوۆا, سونداي-اق, مقپۋ مەن اباي اتىنداعى قازۇپۋ پروفەسسور-وقىتۋشىلارى جانە قازاقستاننىڭ باسقا دا جوو وكىلدەرى قاتىستى.
ۋنيۆەرسيتەتتىڭ ءباسپاسوز قىزمەتىنىڭ مالىمەتىنە سۇيەنسەك, ۆەبينار بارىسىندا جاراتىلىستانۋ-عىلىمي ءبىلىم بەرۋدەگى تسيفرلىق تەحنولوگيالار, گەوگرافيالىق ءبىلىم بەرۋدى تسيفرلىق ترانسفورماتسيالاۋ, قاشىقتان وقىتۋ ۇدەرىسىندە «وقىتۋشى-ءبىلىم الۋشىنىڭ» ءوزارا وقۋ ارەكەتتەرى, قاشىقتان وقىتۋدا ءبىلىم الۋشىلاردىڭ وقۋ جەتىستىكتەرىن باعالاۋدىڭ وزەكتى ماسەلەلەرى بويىنشا تاجىريبە الماستى.
ۆەبيناردا مقپۋ بيولوگيا جانە ادام فيزيولوگياسى كافەدراسىنىڭ مەڭگەرۋشىسى, پ.ع.د., پروفەسسور سەرگەي سۋماتوحين, مقپۋ گەوگرافيا جانە تۋريزم كافەدراسىنىڭ مەڭگەرۋشىسى ت.ع.د., گ.ع.ك., پروفەسسور ولگا شۋلگينا, اباي اتىنداعى قازۇپۋ گەوگرافيا, ەكولوگيا جانە تۋريزم كافەدراسىنىڭ دوتسەنتى, پ.ع.ك. شولپان كارباەۆا, اباي اتىنداعى قازۇپۋ حيميا كافەدراسىنىڭ دوكتورانتى يۋسۋپ نوگوەۆ بايانداما جاسادى.
الماتى