كەلiسiمشارت بويىنشا اسكەري قىزمەت ەتۋ مەملەكەت پەن جەكە تۇلعا مۇددەسىن استاستىرىپ, بايلانىستىرادى. البەتتە, ازاماتتاردىڭ جاۋىنگەرلىك ساپقا ءاردايىم دايىن ءجۇرىپ, پاتريوتتىق سەزىمىن كۇشەيتىپ, ەلدىڭ, جەردىڭ قورعانى ەكەندىگىن دە سەزىنتەدى. نەگىزى, ازاماتتار اسكەري قىزمەت ەتۋگە كەلىسىم جاساعاندا بۇگىنى مەن بولاشاعىنا تۇراقتى, سەنىمدى الەۋمەتتىك قورعاۋدى دا قامتيدى.
كەلiسiمشارت بويىنشا اسكەري قىزمەت ەتۋ مەملەكەت پەن جەكە تۇلعا مۇددەسىن استاستىرىپ, بايلانىستىرادى. البەتتە, ازاماتتاردىڭ جاۋىنگەرلىك ساپقا ءاردايىم دايىن ءجۇرىپ, پاتريوتتىق سەزىمىن كۇشەيتىپ, ەلدىڭ, جەردىڭ قورعانى ەكەندىگىن دە سەزىنتەدى. نەگىزى, ازاماتتار اسكەري قىزمەت ەتۋگە كەلىسىم جاساعاندا بۇگىنى مەن بولاشاعىنا تۇراقتى, سەنىمدى الەۋمەتتىك قورعاۋدى دا قامتيدى.
ەلباسى – قازاقستان رەسپۋبليكاسى قارۋلى كۇشتەرىنىڭ جوعارعى باس قولباسشىسى نۇرسۇلتان نازارباەۆ: «قازىر ءبىز ءححى عاسىرداعى قازاقستاندىق جاۋىنگەرلەردىڭ ۇجىمدىق بەينەسىن قۇرۋدامىز, ونىڭ ايرىقشا بەلگىلەرى پاتريوتيزم, ينتەللەكتۋالدىق دامۋى, سالاماتتى ءومىر سالتىن ۇستاناتىن بولۋ كەرەك», دەپ ناقتىلادى. ءبىزدىڭ اسكەرىمىزدىڭ جەتىستىگى كاسىبي دايارلىعىنا بايلانىستى. كەلىسىمشارت بويىنشا اسكەري قىزمەتتەن وتەتىن اسكەري قىزمەتشىلەردىڭ جەكە باستارى عانا ەمەس, وتباسى دا مەملەكەت قورعاۋىندا بولاتىنىن باسا ايتقان ارتىق بولماس. سوندىقتان قورعانىس مينيسترلىگىنىڭ تالاپتارىنا ءسايكەس, كەلىسىمشارت بويىنشا اسكەري قىزمەتكە جوسپارلى تۇردە ىرىكتەۋ جۇرگىزىلەدى.
سوعان وراي جۋىردا الماتى وبلىسى قورعانىس ىستەرى ءجونىندەگى دەپارتامەنتى قر قك اۋە ۇتقىر اسكەر باسشىلىعىمەن بىرلەسە وتىرىپ, «كەلىسىمشارت بويىنشا اسكەري قىزمەت – ناعىز ازاماتتىڭ تاڭداۋى» اتتى اكتسيا وتكىزدى. اكتسيانىڭ نەگىزگى ماقساتى: كەلىسىمشارت بويىنشا اسكەري قىزمەتتىڭ ارتىقشىلىعى, بەرىلەتىن جەڭىلدىكتەرى مەن قارۋلى كۇشتەرىنىڭ ابىرويى, جالپى كەلىسىمشارت بويىنشا اسكەري قىزمەتكە كىرۋ, قىزمەت ەتۋ ماسەلەلەرىن تۇرعىندارعا ءتۇسىندىرۋ مەن ۇگىت-ناسيحات جۇمىستارىن جۇرگىزۋ بولدى. «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭعا سايكەس, كەلىسىمشارت ارقىلى اسكەري قىزمەتكە ورنالاسىپ, وتان الدىنداعى مىندەتىن ابىرويمەن اتقارىپ جۇرگەن ازاماتتار مەن ازاماتشالارعا بەرىلەتىن ءمۇمكىندىكتەر دە ەگجەي-تەگجەيلى ايتىلىپ, ءتۇسىندىرىلدى.
بۇل كۇندەرى كەلىسىمشارت بويىنشا اسكەري قىزمەتكە ىرىكتەۋ جالعاستىرىلىپ, اينالىمى ىرىكتەلۋدە. كەلىسىمشارت بويىنشا اسكەري قىزمەت – ابىرويلى ءىس جانە ناعىز ازاماتتىڭ تاڭداۋى!
سايات تومپاقوۆ,
الماتى وبلىسى قورعانىس ىستەرى جونىندەگى دەپارتامەنتى باستىعىنىڭ ورىنباسارى,
پودپولكوۆنيك.