كونستيتۋتسيا مەرەكەسى قارساڭىندا كوكشەتاۋ قالاسىندا
«قولجەتىمدى باسپانا-2020» باعدارلاماسى شەڭبەرىندەگى تۇرعىن ءۇي قۇرىلىس جيناق سالىمدارى» جۇيەسىمەن 90 پاتەرلى ءۇش ءۇي پايدالانۋعا بەرىلدى.
كونستيتۋتسيا مەرەكەسى قارساڭىندا كوكشەتاۋ قالاسىندا
«قولجەتىمدى باسپانا-2020» باعدارلاماسى شەڭبەرىندەگى تۇرعىن ءۇي قۇرىلىس جيناق سالىمدارى» جۇيەسىمەن 90 پاتەرلى ءۇش ءۇي پايدالانۋعا بەرىلدى.
قۋانىش يەلەرىنە كىلت تاپسىرۋ سالتاناتىندا قالا اكىمىنىڭ ورىنباسارى التىناي امىرەنوۆا ەلباسىمىز تۇرعىن ءۇي قۇرىلىسىن مەملەكەتتىك ساياساتتىڭ باسىم باعىتتارىنىڭ ءبىرى رەتىندە بەلگىلەگەنىن اتاپ كورسەتتى. بۇل ورايدا كوكشەتاۋ ماڭىزدى مىندەتتىڭ ۇدەسىنەن شىعا بىلۋدە. بىلتىر تۇرعىن ءۇي قۇرىلىس جيناق بانكىنىڭ سالىمشىلارى العاشقى ءۇش ۇيگە قونىستانعان بولاتىن. ال, ۇستىمىزدەگى جىلدىڭ سوڭىنا دەيىن جالپى اۋماعى 80 مىڭ شارشى مەترلىك 11 ءۇي قالامىزعا كورىك قوساتىن بولادى.
مەملەكەتتىك باعدارلامانى جۇزەگە اسىرۋدىڭ باسى-قاسىندا جۇرگەن «تۇرعىن ءۇي قۇرىلىس جيناق بانكى» اق اقمولا وبلىستىق فيليالىنىڭ ديرەكتورى ايباس جارقىمباەۆتىڭ ءسوزى كوپشىلىككە وي سالعانداي ەدى.
– ەلىمىز ءوز تۇرعىندارىنا مەرەكەلىك تارتۋلار جاساۋدى يگى داستۇرگە اينالدىردى, – دەدى ول. – بۇگىنگى قۋانىشتى شارا سونىڭ ءبىر كورىنىسى. جالپى, تۇرعىندار «قولجەتىمدى باسپانا-2020» باعدارلاماسىنىڭ تۇپكى ماقساتىن ءتۇسىنە باستادى, وعان وزدەرى دە بەلسەنە قاتىسىپ وتىر. ماسەلەن, «تسەنترالنىي» شاعىن اۋدانىنداعى 60 ءپاتەرلى ەكى ۇيگە ءوتىنىش بەرگەن سالىمشىلارىمىزدىڭ سانى 208-گە جەتتى. سۇرانىستىڭ ارتۋىنا بايلانىستى, كەلەسى جىلى «سارىارقا» جاڭا شاعىن اۋدانى مەن «جانسايا» تۇرعىن ءۇي كەشەنىندە 300 پاتەرلى 10 ءۇيدىڭ قۇرىلىسىن ءجۇرگىزۋدى جوسپارلاپ وتىرمىز. دەمەك, بانك كليەنتتەرى قارجى اينالىمى ءتارتىبى مەن ونى ءتيىمدى پايدالانۋ, شىعىنداردى جوسپارلاۋ ۇردىسىنە ءمۇددەلىلىك تانىتۋدا دەپ ايتا الامىن.
باقبەرگەن امالبەك,
«ەگەمەن قازاقستان».
اقمولا وبلىسى.