«اقش سيرياعا قارسى اسكەري ارەكەت جۇرگىزەتىن بولسا, تاياۋ شىعىستا ورنالاسقان امەريكالىق نىسانداردىڭ بارلىعى دا جانكەشتىلەر باتالوندارىنىڭ شابۋىلدارىنا ۇشىرايتىن بولادى», – دەپ مالىمدەدى سيريانىڭ «اش-شاباب» وپپوزيتسيالىق پارتياسىنىڭ باس حاتشىسى ماحير ميرحيدج. بۇل تۋرالى يتار-تاسس حابارلادى.
«ءبىز سيريا ۇكىمەتىنە قارسى وپپوزيتسيالىق كۇش بولعانىمىزبەن, وتانىمىزدىڭ ءبىز ءۇشىن ۇلكەن ماڭىزى بار. وسىعان وراي ءبىز تاياۋ شىعىستاعى امەريكا نىساندارىنا قارسى وپەراتسيا جۇرگىزۋگە دايىن بىرنەشە جانكەشتىلەر باتالونىن قۇردىق». – دەدى وپپوزيتسيا وكىلى.
«اقش سيرياعا قارسى شەكتەۋلى اسكەري وپەراتسيا جۇرگىزگەننىڭ وزىندە سيريا حالقى تاراپىنان جاۋاپ قايتارىلىپ, بۇل ارەكەت كەڭ اۋقىمدى سوعىسقا ۇلاسىپ كەتۋى مۇمكىن», – دەيدى "اش-شاباب" پارتياسىنىڭ باسشىسى. ول سونداي-اق, داماسكىدە حيميالىق قارۋدى سيريانىڭ ىشكى وپپوزيتسياسى دا, ۇكىمەت اسكەرى دە قولدانباعانىن العا تارتتى. پارتيا باسشىسىنىڭ ايتۋى بويىنشا, حيميالىق قارۋدى ەلگە تۇركيا اۋماعىنان كىرگەن راديكالدى ەكسترەميستەر قولدانعان.
ايدار ورىسباەۆ.