EBS مەملەكەتتىك ءبىلىم بەرۋ كانالى بويىنشا وڭتۇستىك كورەيانىڭ 1−2-سىنىپ وقۋشىلارى 20 ساۋىردەن باستاپ قاشىقتان وقۋ جۇيەسىنە كوشەتىن بولادى.
Regnum مالىمەتتەرى بويىنشا ءتيىستى ءبىلىم باعدارلاماسى دايىن. بۇل سىنىپتاردا وقيتىن وقۋشىلار ءۇشىن ينتەراكتيۆتى جۇيەدەگى وقۋ باعدارلاماسى قاراستىرىلعان.
ونىڭ بارىسىندا ءاربىر وقۋشىعا جازباشا تاپسىرما مەن قوسىمشا ماتەريالدار توپتاماسى بەرىلەدى. سونىڭ ناتيجەسىندە وقۋشىلار تاپسىرمالاردى EBS مەملەكەتتىك ءبىلىم كانالىن كورە وتىرىپ ورىندايتىن بولادى. بالالاردىڭ ساباققا قاتىسۋى ارنايى سايت ارقىلى نەمەسە اتا-انالارمەن بايلانىس بارىسىندا انىقتالىپ وتىرادى. ال ەل ۇكىمەتىنىڭ شەشىمىنە بايلانىستى مەكتەپتەردىڭ دەڭگەيىنە قاراي وقۋشىلار 9, 16, ساۋىردەن باستاپ تا قاشىقتىقتان وقۋ جۇيەسىنە قوسىلادى.