وڭتۇستىك قازاقستان وبلىسىندا قابىلدانعان جاڭا ەرەجەگە سايكەس, كوپشىلىك دەم الاتىن ورىنداردا ءۇي جانۋارلارىن سەرۋەندەتۋگە تىيىم سالىندى. بۇل تۋرالى «24 kz» حابارلادى.
ءۇي جانۋارلارىنا قاتىستى جاڭا ەرەجە ءتورت بابتان تۇرادى. ول بويىنشا ءبىر وتباسى ەكەۋدەن ارتىق يت پەن مىسىق اسىراي المايدى. سونداي-اق, مەكتەپتەر مەن بالاباقشا ماڭىندا جانە ساياباقتار مەن تاماقتاناتىن ورىنداردا يتتەردى قىدىرتۋعا مۇلدەم تىيىم سالىنعان. مۇنان وزگە, كۇشىكتەر باۋىرىن كوتەرىپ جۇرە باستاعان كەزدە يەلەرى ونى يت اتاتىن مەكەمەلەرگە وتكىزۋى ءتيىس.كەزبە يتتەردىڭ كوزىن جويۋ ماسەلەسى دە ەسكەرىلگەن.جاڭا ەرەجە بويىنشا كامەلەتكە تولماعان ءجاسوسپىرىم مەن ماس ادامعا ءيتتى سەرۋەنگە شىعارۋعا تىيىم سالىنادى. تۇرعىندار سانيتارلىق-مالدارىگەرلىك تالاپتاردى بۇلجىتپاي ورىنداۋى جانە يتتەردى بايلاپ ۇستاۋى قاجەت. ال يت پەن مىسىق ۇستاۋ ەرەجەسىن بۇزعاندار 3 ايلىق ەسەپتىك كورسەتكىش شەگىندە, ادام دەنساۋلىعىنا زيان كەلتىرىلگەن جاعدايدا 10 ايلىق ەسەپتىك كورسەتكىش كولەمىندە ايىپپۇل تولەيدى.
باقىتبەك كەنەش ۇلى.