بيىلعى ءبىلىم كۇنى مەرەكەسى اياسىندا استانا قالاسىنداعى «تۇران-پروفي» حالىقارالىق كاسىبي اكادەمياسىنىڭ نەگىزىندە «تۇران-پروفي» قالالىق شارۋاشىلىق كوللەدجى اشىلدى. كاسىبي ماماندار دايارلايتىن جاڭا ءبىلىم وشاعىنىڭ تۇساۋكەسەرى سالتاناتتى راسىممەن ورنەكتەلدى.
بيىلعى ءبىلىم كۇنى مەرەكەسى اياسىندا استانا قالاسىنداعى «تۇران-پروفي» حالىقارالىق كاسىبي اكادەمياسىنىڭ نەگىزىندە «تۇران-پروفي» قالالىق شارۋاشىلىق كوللەدجى اشىلدى. كاسىبي ماماندار دايارلايتىن جاڭا ءبىلىم وشاعىنىڭ تۇساۋكەسەرى سالتاناتتى راسىممەن ورنەكتەلدى.
جاڭا ءبىلىم وشاعىنىڭ اشىلۋ سالتاناتىندا «تۇران-پروفي» قالالىق شارۋاشىلىق كوللەدجىنىڭ ديرەكتورى نيكيرا وماروۆا قۇتتىقتاۋ ءسوز سويلەپ, كوللەدجدىڭ الدىندا تۇرعان نەگىزگى مىندەتتەردى سارالاپ بەردى. بۇل جاڭا وقۋ ورنىنىڭ اشىلۋى ەلىمىزدە كەڭ ءورىس العان يندۋستريالىق-يننوۆاتسيالىق دامۋ باعدارلاماسىمەن ساباقتاسىپ جاتىر. «تۇران-پروفي» قالالىق شارۋاشىلىق كوللەدجىن اشۋداعى باستى ماقسات – قارقىندى دامىپ كەلە جاتقان ەلىمىزدىڭ باس قالاسىنىڭ شارۋاشىلىعىنداعى سان-قىرلى قىزمەت تۇرلەرىنە قاجەتتى جوعارى تەحنيكالىق-كاسىبي ماماندار دايارلاۋ. سونىمەن بىرگە, كوللەدج بازاسىندا مامانداردىڭ بىلىكتىلىگىن ارتتىرۋ, قايتا دايىنداۋ مىندەتتەرى دە جۇزەگە اسىرىلادى.
جاڭا وقۋ ورنىنىڭ حالىقارالىق وقۋ ستاندارتتارىنا ساي وقۋ-وندىرىستىك بازاسى بار. الداعى ۋاقىتتا كوللەدج گەرمانيا, رەسەي, ۋكراينا جانە بەلارۋس مەملەكەتتەرىندەگى وسىنداي كوللەدجدەرمەن تىعىز بايلانىستا جۇمىس جاساماق. وعان قازىردىڭ وزىندە العىشارتتار جاسالۋدا. جاڭا ءبىلىم وشاعىنىڭ اشىلۋىنا بايلانىستى وتكەن ءىس-شاراعا «اتامەكەن» ۇلتتىق ەكونوميكالىق پالاتاسىنىڭ اتقارۋشى ديرەكتورى تالعات دوسكەنوۆ, «نۇر-وتان» حدپ-نىڭ ساراپتاۋ, جوبالاۋ جانە الەۋمەتتىك ينستيتۋتتار ورتالىعىنىڭ جەتەكشىسى قازبەك قازكەنوۆ, «قازاقستان ماشينا جاساۋشىلار وداعى» ۇيىمىنىڭ اتقارۋشى ديرەكتورى تەمىرلان التاەۆ, «استاناليفتستروي» جشس-ءنىڭ ديرەكتورى اناتولي زەليۋكين جانە باسقا ارنايى شاقىرىلعان قوناقتار قاتىستى.
نياز جىلقىباەۆ.