شىمكەنت قالاسىندا كوروناۆيرۋس ينفەكتسياسىنىڭ تارالۋىنا جول بەرمەۋ ءۇشىن 2020 جىلدىڭ 31 ناۋرىزدىڭ ساعات 21:00-دەن باستاپ بىرنەشە شەكتەۋ شارالارى ەنگىزىلگەنى بەلگىلى.
وسىعان وراي, شىمكەنت قالاسىنىڭ كىرەبەرىستەرىنە 18 بلوك-بەكەت قويىلعان. وندا مەديتسينالىق قىزمەتكەرلەر مەن قۇزىرلى ورگان وكىلدەرى اكىمشىلىك قىزمەتكەرلەرى اۋىسىممەن تاۋلىك بويى قىزمەت اتقارىپ جاتىر. كولىك جۇرگىزۋشىلەرى مەن ونىڭ سالونىنداعى جولاۋشى مىندەتتى تۇردە تىركەۋگە الىنىپ, مەديتسيتسنالىق قۇرىلعىمەن تەكسەرىلىپ وتكىزىلەدى.
بلوك-بەكەتتەردى قامتاماسىز ەتۋ ءۇشىن 3 كەزەكتە, 18 جەدەل مەديتسينالىق جاردەم بريگاداسى, باستاپقى مەديتسينالىق سانيتارلىق كومەك ۇيىمدارىنان 45 ورتا مەديتسينالىق قىزمەتكەر (فەلدشەرلەر, مەدبيكەلەر) جۇمىلدىرىلدى. بلوك-بەكەتتەردەگى مەديتسينالىق پۋنكتتەر 52 بايلانىسسىز تەرمومەترلەرمەن, 71 وباعا قارسى كوستيۋم جيىنتىعىمەن جابدىقتالعان.
ەسكە سالا كەتسەك, كەشە قالا اكىمى مۇرات ايتەنوۆ شىمكەنتتەگى بىرقاتار بەكەتتەردى ارالاپ, ولاردىڭ جۇمىسىمەن تانىسقان بولاتىن. ساپار بارىسىندا مۇرات دۇيسەنبەك ۇلى ءبىرىنشى كەزەكتە بارلىق بەكەتتەردە «جاسىل ءدالىز» ۇيىمداستىرۋدى تاپسىردى. ول جەردەن تىرشىلىكتى قامتاماسىز ەتەتىن كولىكتەر ازىق-ت ۇلىك تاسىمالداۋشى ماشينالار مەن ترانزيتتىك جۇك كولىكتەرى باسقا دا ارنايى تەحنيكالار كەدەرگىسىز وتەدى.
شىمكەنت