دەنساۋلىق ساقتاۋ ءمينيسترى ەلجان ءبىرتانوۆ ىندەت جۇقتىرعان ناۋقاستاردىڭ قازىرگى جاعدايى جايىندا ايتىپ بەردى.
«ەلىمىزدە سوڭعى تاۋلىكتە جالپى 453 ناۋقاس تىركەلدى. ولاردىڭ ەڭ كوپ سانى نۇر-سۇلتان جانە الماتى قالالارىندا. ەلوردادا 200 ناۋقاس, الماتى قالاسىندا 93 ادام ۆيرۋس جۇقتىردى. وكىنىشكە قاراي, 3 ادام ىندەتتەن كوز جۇمدى. 29 ناۋقاس اۋرۋحانالاردان ەمدەلىپ شىقتى», دەدى ەلجان ءبىرتانوۆ.
بۇدان سوڭ, مينيستر قازىر ەم قابىلداپ جاتقان ناۋقاستاردىڭ جاعدايى جايىندا ءسوز ەتتى.
«بۇگىنگى كۇنى 11 ناۋقاستىڭ جاعدايى وتە قيىن. ولار ينتەنسيۆتىك رەانيماتسيا بولىمشەلەرىندە ەم قابىلداپ جاتىر. 68 ناۋقاستىڭ جاعدايى ورتاشا دەڭگەيدە. 341 ناۋقاستىڭ جاعدايى جەڭىل دەڭگەيدە. وسى ناۋقاستارعا بايلانىستى 13 467 قارىم-قاتىناستا بولعان ازامات تىركەلدى. ولاردىڭ اراسىندا 442 ازامات شەتەلگە شىعىپ كەتتى. ال قالعان 13 025 ازامات ءبىزدىڭ تىركەلگەن ناۋقاستارمەن بايلانىستا بولعان. ولاردىڭ 96,7 پايىزى تابىلىپ, وقشاۋلاندى. قازىر ولار ستاتسيونارلىق نەمەسە ءۇي كارانتينىندە», دەدى ول.