بۇل تۋرالى قارجى مينيسترلىگىنىڭ ءبىرىنشى ۆيتسە-ءمينيسترى بەرىك شولپانقۇلوۆ ورتالىق كوممۋنيكاتسيالار قىزمەتى الاڭىندا وتكەن ءباسپاسوز كونفەرەنتسياسىندا ايتتى.
«جالپى بەلگىلەنگەن تارتىپتە جۇمىس ىستەيتىن جەكە كاسىپكەرلەر ءۇشىن 2020 جىلدىڭ 1 ماۋسىمىنا دەيىن سالىق جانە بيۋدجەتكە تولەنەتىن باسقا دا مىندەتتى تولەمدەر, الەۋمەتتىك تولەمدەر بويىنشا كەيىنگە قالدىرۋ ۇسىنىلدى. سالىق جانە بيۋدجەتكە تولەنەتىن باسقا دا مىندەتتى تولەمدەر بويىنشا بارلىق بەرەشەك بويىنشا 27 ناۋرىزداعى جاعداي بويىنشا تولەمدەر كەيىنگە قالدىرىلادى, تولەۋ مەرزىمى 2020 جىلدىڭ 1 ماۋسىمىنا اۋىستىرىلدى», دەدى بەرىك شولپانقۇلوۆ.
ونىڭ ايتۋىنشا, سالىق, كەدەن جانە الەۋمەتتىك تولەمدەر بويىنشا بەرەشەكتى ءوندىرىپ الۋ شارالارى توقتاتىلدى.
«بەرەشەك تۋىنداعان كەزدە بەرەشەكتى وتەۋ تۋرالى حابارلاما قويىلمايدى جانە ماجبۇرلەپ ءوندىرىپ الۋ شارالارى قابىلدانبايدى, ەسەپ ايىرىسۋ شوتتارى جابىلمايدى جانە م ۇلىك سيپاتتالمايدى. توتەنشە جاعداي كەزەڭىندە بولاتىن كامەرالدىق باقىلاۋ بويىنشا حابارلامانى ورىنداۋ مەرزىمدەرى ۇزارتىلدى. 15 ناۋرىزدان 15 ساۋىرگە دەيىنگى مەرزىمدە ورىنداۋدى تالاپ ەتەتىن كامەرالدىق باقىلاۋ بويىنشا حابارلامالار ورىنداۋ مەرزىمى 1 ماۋسىمعا اۋىستىرىلدى.توتەنشە جاعداي كەزىندە مەملەكەتتىك كىرىس ورگاندارى جۇزەگە اسىراتىن تەكسەرۋلەردى جۇرگىزۋ مەرزىمى توقتاتىلدى», ۆيتسە-مينيستر.