بۇگىن تاڭەرتەڭ پەتروپاۆلدىڭ سۋۆوروۆ كوشەسىندەگى 256 ۇيدەن ءورت شىققان. ءورت تۋرالى حابار ء«ورت ءسوندىرۋ قىزمەتىنە» تاڭعى ساعات جەتىدە تۇسكەن. دابىلىن بەزىلدەتىپ, ورتسوندىرۋشىلەر جەتكەندە ءورتتىڭ جالىنى سۋماڭداپ جاتىر ەكەن.
جەدەل ىسكە كىرىسكەن ورتسوندىرۋشىلەر كومانداسىنىڭ قۇرامىندا ءۇش ماشينا مەن 12 ادام بولعان. بۇلار پەتروپال ورتسوندىرۋشىلەرىنىڭ №1 جانە №4 بولىمدەرىنىڭ جاساقشىلارى ەدى.
ءورت تەز ارادا ءسوندىرىلدى. جالىن شارپىعان اۋماقتىڭ كولەمى 30 شارشى مەتر. سونىمەن قاتار 26 شارشى مەترلىك ۆەراندا مەن دۇنيە م ۇلىكتەر ورتتەنگەن. ءورت اۋماعىنان 3 گاز بالونى تابىلعان. ءورت سوندىرۋشىلەر ولاردىڭ جارىلۋىنا جول بەرمەي, قاۋىپسىز جەرگە شىعارىپ ۇلگەرگەن. ەگەر ولار جارىلعان بولسا ءورتتىڭ شارپيتىن اۋماعى ماڭايىنداعى ۇيلەرگە جەتۋى ءسوزسىز ەدى.
ءورت تاڭعى ساعات 8-دەن 10 مينۋت وتكەندە تولىقتاي ءسوندىرىلدى. زارداپ شەگىپ, ولگەن نەمەسە جارالانعان ادام جوق. ءورتتىڭ شىعۋ سەبەپتەرى انىقتالۋدا.
پەتروپاۆل