بۇگىندە الەۋمەتتىك جەلىلەردە كوپتەگەن حابارلاندىرۋ پايدا بولدى, وندا قازاقستاندىقتارعا جەكە مالىمەتتەردى سۇراتۋ ارقىلى ەلەكتروندى تسيفرلىق قولتاڭبانى الۋعا كومەكتەسۋ ۇسىنىلادى. سونداي-اق كەيبىر «پىسىق» ازاماتتار بۇل جاعدايدى پايدالانىپ, توتەنشە جاعداي كەزىندە تابىسىنان ايىرىلعانداردان جسن, ەتسق, بانك كارتاسىنىڭ ءنومىرىن, ءتىپتى ونىڭ پين-كودىن سۇراي وتىرىپ, الەۋمەتتىك جاردەماقىنى راسىمدەپ بەرۋ قىزمەتىن كورسەتۋدى ۇسىنادى.
ازاماتتارعا ارنالعان ۇكىمەت قازاقستاندىقتاردى مۇنداي قىزمەتتەرگە جۇگىنبەي, ولاردان باس تارتۋىن سۇرايدى.
جەكە مالىمەتتەرىن, سونىڭ ىشىندە ەتسق-نى بوتەن ادامدارعا بەرۋ ارقىلى ازاماتتار وزدەرى جەكە دەرەكتەرى مەن م ۇلىكتەرىنە قاۋىپ توندىرەتىنىن ءتۇسىنۋى كەرەك. ونىڭ ۇستىنە, اتالعان تولەم ازاماتتاردىڭ شوتىنان وزدەرىنىڭ «قولعابىس ەتۋىمەن» ۇرلانۋى مۇمكىن.
ەلەكتروندىق تسيفرلىق قولتاڭبا مەن ونىڭ قۇپياسوزىن العان الاياقتار ازاماتتىڭ egov.kz-تەگى بارلىق جەكە مالىمەتىنە قول جەتكىزە الادى. وعان قوسا, ولار جالعان كەلىسىمدەر جاساسۋ ءۇشىن ونىڭ اتىنا كاسىپكەرلىك اشىپ, باسپاناسىنا بەيتانىس تۇلعالاردى تىركەپ, تىپتەن كولىگىن وزگە ادامنىڭ اتىنا شىعارا الادى. بانك كارتاسىنىڭ پين-كودىن العاننان كەيىن الاياقتار ونداعى بارلىق قاراجاتتى شەشىپ الۋى مۇمكىن.
ازاماتتارعا ارنالعان ۇكىمەت قازاقستاندىقتاردىڭ ونلاين تۇردەگى مەملەكەتتىك قىزمەتتەردىڭ بارلىق ماسەلەسى بويىنشا, سونىڭ ىشىندە ەتسق مەن جاڭا الەۋمەتتىك تولەم ءتۇرى بويىنشا اقىسىز تۇردە جانە ەش قاۋىپسىز 1414 بىرىڭعاي بايلانىس ورتالىعىنان كومەك الا الاتىندىعىن حابارلايدى. قوڭىراۋ شالۋ تەگىن. قازىرگى ۋاقىتتا ونىڭ جۇمىسىنا حالىققا قىزمەت كورسەتۋ ورتالىقتارىنىڭ 1800-دەن استام قىزمەتكەرى تارتىلعان.
سونىمەن قاتار Facebook الەۋمەتتىك جەلىسىندە «eGov پوموشش» توبى قۇرىلدى, وندا قاراپايىم جەلى قولدانۋشىلارى, IT-ماماندار جانە حالىققا قىزمەت كورسەتۋ ورتالىقتارىنىڭ قىزمەتكەرلەرىنەن تۇراتىن بىرقاتار ەرىكتى جينالدى. ولاردىڭ بارلىعى egov.kz پورتالىنىڭ بەلسەندى قولدانۋشىلارى, ولار مەملەكەتتىك قىزمەتتەردى ۇيدەن شىقپاي-اق الادى جانە ەلىمىزدە ورىن العان قيىن ساتتە وزگە ازاماتتارعا ەلەكتروندىق ۇكىمەت پورتالىن پايدالانۋدى ۇيرەتۋگە دايىن. سونداي-اق ەرىكتىلەر ازاماتتاردان ەش جەكە دەرەكتەرىن تالاپ ەتپەيدى, تەك سۇراقتارىنا جاۋاپ بەرىپ, پايدالى كەڭەستەر بەرۋ ارقىلى مەملەكەتتىك قىزمەتتى الۋعا كومەكتەسەدى.
ەگەر ازامات ەسكەرتۋىمىزگە قاراماستان, اقىلى تۇردە كۇماندى «كومەكشىلەردىڭ» قىزمەتتەرىن پايدالانىپ ۇلگەرسە جانە جەكە مالىمەتتەرىن بەرسە, ازاماتتارعا ارنالعان ۇكىمەت ولارعا ەتسق-نىڭ قۇپياسوزىن pki.gov.kz-تەگى جەكە كابينەتى ارقىلى وزگەرتۋدى نەمەسە كىلتتەردىڭ كۇشىن جويۋدى ۇسىنادى.