الماتى وبلىسى اۋماعىندا الەۋمەتتىك ماڭىزدى تاۋار باعاسىن تۇراقتاندىرۋ مەن ازىق-ت ۇلىك قاۋىپسىزدىگى ماسەلەسى كۇن تارتىبىنەن تۇسپەيدى. بۇل تۋرالى وبلىس اكىمى اماندىق باتالوۆتىڭ توراعالىعىمەن وتكەن سەلەكتورلىق جيىندا تالقىلاندى.
بۇگىندە وبلىستىڭ تۇراقتاندىرۋ قورىندا 2226 توننا ءتۇرلى ازىق-ت ۇلىك تاۋارى بار. بۇل قور اۋدان, قالا اكىمدەرىنىڭ تاپسىرماسىنا سايكەس دايىندالعان. ونىڭ 912 تونناسى قازىرگى كەزدە جەرگىلىكتى جەرلەرگە جەتكىزىلگەن. بۇل ءوز كەزەگىندە وبلىستىڭ وڭىرلەرىندە الەۋمەتتىك ماڭىزدى تاۋارلارىندىڭ باعاسىن تومەندەتۋگە مۇمكىندىك بەردى. جالپى, وڭىردە اكىمدىك تاراپىنان اتقارىلعان شارالار ناتيجەسىندە باعانى تۇراقتاندىرۋدا وڭ قوزعالىس بايقالىپ وتىر. دەگەنمەن جۇرگىزىلگەن تالداۋ قورىتىندىلارى الەۋمەتتىك ماڭىزداعى ازىق-ت ۇلىكتەردىڭ كەيبىر تۇرلەرى ەسكەلدى, پانفيلوۆ, ۇيعىر اۋداندارىندا ءالى دە جوعارى ەكەنىن كورسەتكەن.
ايتپاقشى, قازىرگى ولشەم بويىنشا الەۋمەتتىك ماڭىزدى ازىق-ت ۇلىكتىڭ تىزىمىنە 19 ءتۇرلى تاۋار كىرەدى ەكەن. وسى تاۋاردىڭ 17 ءتۇرى الماتى وبلىسىندا وندىرىلەدى. ەندىگى ماقسات ءونىم باعاسىن قالىپتى دەڭگەيدە ۇستاپ تۇرۋ. بۇل باعىتتا «جەتىسۋ» الەۋمەتتىك كورپوراتسياسى جۇمىس جۇرگىزۋدە. كورپوراتسيا وبلىستاعى ءىرى ساۋدا نۇكتەلەرىمەن جانە اۋىل شارۋاشىلىعى تاۋار وندىرۋشىلەرىمەن كەلىسىمشارت جاساسىپ, سونىڭ نەگىزىندە كاسىپكەرلەر بانك كەپىلدىگىنە اينالىم قاراجاتىن الىپ وتىر. ەسەسىنە كاسىپكەرلەر حالىقتى الەۋمەتتىك ماڭىزدى ازىق-ت ۇلىك تاۋارلارىمەن قامتىپ, باعانى ىرىقتاندىرىپ ۇستاپ تۇرۋعا ءتيىس. كەلىسىمشارت بۇزىلعان جاعدايدا ساۋدا نۇكتەلەرى دە, اۋىل شارۋاشىلىعى تاۋار وندىرۋشىلەرى دە سالىنعان قارجىنى قايتارۋلارى ءتيىس. مۇنى قارجىلاي قولداۋ ءۇشىن وبلىس بيۋدجەتىنەن 1 ملرد تەڭگە بولىنگەن. ال وبلىس اكىمى اماندىق باتالوۆ قاجەت بولعان جاعدايدا قوسىمشا تاعى 1 ملرد تەڭگە ءبولۋ كەرەكتىگىن ايتادى.
- الماتى وبلىسى – اگرارلى ءوڭىر. سوندىقتان, ءبىز وبلىستى بارلىق قاجەتتى ازىقپەن قامتاماسىز ەتىپ, قوسىمشا قور جيناقتاۋدى نازاردا ۇستايمىز. ياعني بۇرىنعىدان دا كوپ جۇمىس ىستەۋگە ءتيىسپىز. ماسەلەن, كوكتەمگى دالا جۇمىستارىنىڭ بارلىعى ءوز مەرزىمىندە جۇرگىزىلىپ, بوساڭسۋعا جول بەرىلمەۋى كەرەك. ول ءۇشىن بىزدە بارلىق جاعداي بار, قاجەتتى كومەك كورسەتىلىپ كەلەدى. قانت زاۋىتتارىن 600 مىڭ تونناداي قىزىلشامەن قامتاماسىز ەتۋىمىز كەرەك. ال جۇگەرىنىڭ القابىن 82 مىڭ گەكتارعا جەتكىزەمىز. زامانعا ساي اگروتەحنولوگيانى قولدانا وتىرىپ, ونىمدىلىكتى ارتتىرۋعا ءتيىسپىز, - دەيدى وبلىس اكىمى اماندىق باتالوۆ.