ترامپ اكىمشىلىگىنە كوروناۆيرۋسقا شالدىققاندار سانىنىڭ كۇرت وسۋىنە بايلانىستى تىنىس الۋدى جەڭىلدەتەتىن اپپاراتتار ءوندىرىسىن جەدەلدەتۋ بويىنشا ءوتىنىش تۇسكەن. قازىرگى كەزدە نيۋ-يوركتاعى بىرقاتار اۋرۋحانالار ەكى ناۋقاسقا ءبىر تىنىس الۋ اپپاراتتارىن پايدالانۋدا, دەپ حابارلايدى Reuters.
وسى ورايدا اقش پرەزيدەنتى قورعانىس ءوندىرىسى تۋرالى زاڭعا سايكەس تىنىستاندىرۋ اپپاراتتارىن جاساۋ ءۇشىن Ford, General Motors Co سياقتى وندىرىسشىلەردى اتادى. كۇنى كەشە United Auto Workers باسشىلىعى مەن وزگە دە رەسمي تۇلعالار ءىى دۇنيەجۇزىلىك سوعىس كەزىندە بومبا وندىرىسىنە باعىتتالعان دەترويتتاعى اۆتوموبيل وندىرىسىنە سالىستىرمالى سيپاتتاما جۇرگىزدى. Ford ميچيگان شتاتىنداعى يپسيلانتي زاۋىتىندا United Auto Workers 500 قىزمەتكەرىمەن جەلدەتۋ وندىرىسىنە دايىندىعىن اتاپ وتسە, Ford Motor Co الداعى 100 كۇن ىشىندە General Electric دەنساۋلىق بولىمشەسىمەن ىنتىماقتاستىقتا ميچيگانداعى زاۋىتتا 50 000 جەلدەتكىش قوندىرعىسىن شىعاراتىندىعىن جەتكىزدى. ودان كەيىن اي سايىن قاجەت بولعان جاعدايدا 30 000 جەلدەتكىش شىعاراتىن بولادى.
Ford مالىمەتىنشە, جەلدەتكىشتىڭ ىقشامدالعان قۇرىلىسى فلوريداداعى Airon Corp كورپوراتسياسىنداعى GE Healthcare-مەن ليتسەنزيالانىپ, ازىق-ت ۇلىك جانە ءدارى-دارمەكتى باقىلاۋ باسقارماسىمەن ماقۇلدانعان. ۆيرۋسقا شالدىققانداردىڭ جاعدايىن جەڭىلدەتەتىن قۇرىلعىلار اۋا قىسىمىن ەلەكتر قىسىمىنسىز قامتاماسىز ەتە الادى.
الماتى