توتەنشە جاعداي جاريالانعان العاشقى كۇننەن باستاپ نۇر-سۇلتان, الماتى, شىمكەنت, اقتاۋ, اقتوبە, اتىراۋ, قاراعاندى, قىزىلوردا مەن تاراز قالالارىندا ورنالاسقان قۇرىلىس نىساندارى مەن ولارعا قاراستى اۋماقتاردىڭ قارۋلى كۇشتەرى بيولوگيالىق قورعانىس بولىمشەلەرىنىڭ اسكەري قىزمەتشىلەرى ارنايى زالالسىزداندىرۋ جۇمىستارىنا قاتىسۋدا.
توتەنشە جاعداي كەزىندە اسكەري قىزمەتشىلەردى ازاماتتىق قورعانىس جۇمىستارىنا تارتۋ قاجەتتىلىكتەن تۋىنداپ وتىر. بۇگىندە قر پرەزيدەنتى – قارۋلى كۇشتەردىڭ جوعارى باس قولباسشىسىنىڭ تاپسىرماسىنا سايكەس دەزينفەكتسيالاۋ جۇمىستارىنىڭ اۋماعى كەڭەيتىلىپ, بيولوگيالىق قورعانىس بولىمشەلەرىنىڭ سانى ارتتى.
نۇر-سۇلتان قالاسىندا دەزينفەكتسيالاۋ جۇمىسى قالاي جۇرگىزىلىپ جاتقاندىعىن تۋرالى قورعانىس ءمينيسترى نۇرلان ەرمەكباەۆ تەكسەردى. اڭگىمەلەسۋ بارىسىندا ول اسكەري قىزمەتشىلەردىڭ قازاقستان ازاماتتارىنىڭ دەنساۋلىعى مەن اماندىعىن ساقتاۋدا اتقاراتىن جۇمىستارىنىڭ ماڭىزدى ءارى اۋقىمدى ەكەندىگىن ايتىپ ءوتتى.
نۇرلان ەرمەكباەۆ ساربازدار مەن سەرجانتتارعا ينفەكتسياعا قارسى شارالاردىڭ باقىلاۋعا الىنعاندىعىن جانە دە بۇل ىستە ۇستامدىلىق تانىتۋ قاجەتىگىنە توقتالدى. سوندىقتان دا قيىن كەزەڭدە رەسپۋبليكا جۇرتشىلىعىنا كومەككە كەلگەن ساربازداردىڭ ءىسى ارقاشان دا جوعارى باعالاناتىندىعىن جەتكىزدى.
مۇنداي توتەنشە جاعداي كەزىندە اسكەري قىزمەتشىلەر ءوز دەنساۋلىقتارىنىڭ قاۋىپسىزدىگىنە اسا ءمان بەرۋى كەرەك. ءبىر جاۋىنگەردىڭ سىرقاتى بۇكىل اسكەري ءبولىمنىڭ جاۋىنگەرلىك ازىرلىگىنە نۇقسان كەلتىرۋى مۇمكىن. سوندىقتان دا اسكەريلەر بارلىق سانيتارلىق-گيگيەنالىق نورمالارىن قاتاڭ ساقتاپ, ىندەتتىڭ العاشقى بەلگىلەرى انىقتالعان كەزدە باسشىلىققا جەدەل تۇردە بايانداۋ قاجەتتىگى ەسكەرتىلدى.
اسكەريلەردىڭ فيزيكالىق بەلسەندىلىگىمەن قاتار, جەكە قۇرامنىڭ دۇرىس تاماقتانۋى, دارۋمەندەردى ۋاقىتىلى قابىلداپ وتىرۋى, كيىمدەرىنىڭ دەر كەزىندە ارنايى قۇرالدارمەن تازالانىپ وتىرۋى مەن جەكە گيگيەنالىق تالاپتاردى ساقتاۋ ماسەلەسى تاپسىرىلدى. سونداي-اق, جۇمىس بارىسىندا ەرىتىندىنى دايىنداۋ ءادىسى, ەكولوگيالىق زالال كەلتىرمەۋگە بايلانىستى ساقتىق شارالارى قاتاڭ ساقتالۋى ءتيىس. اسكەريلەرگە دەزينفەكتسيالاۋعا جاتاتىن نىساندار مەن اۋماقتاردى تولىقتاي وڭدەۋ مەن قۇرالداردى اۋىستىرۋ, جوندەۋ جۇمىستارىن جۇرگىزۋ ماسەلەلەرى دە باقىلاۋدا بولۋى تيىستىگى ەسكەرتىلدى.
قالا نىساندارىن كۇن-ءتۇن دەمەي دەزينفەكتسيالاۋعا, سونىمەن قاتار قالا ماڭىنا جاقىن ورنالاسقان اۋىل ايماقتاردى وڭدەۋ جۇمىسىنا قاتىسقان اسكەري قىزمەتشىلەرگە قورعانىس ۆەدومستۆوسىنىڭ باسشىسى العىسىن ءبىلدىردى.