«كسەلل» اق «قازاقتەلەكوم» اق توبىنىڭ قۇرامىندا كۇردەلى ەپيدەميولوگيالىق جاعدايدا ءوز كليەنتتەرىنە قولداۋ كورسەتۋ ءۇشىن قابىلدانعان شارالار تۋرالى حابارلادى.
30 ناۋرىزدان باستاپ ارنايى ينتەرنەت-تاريفتىك جوسپارىنا سايكەس ۇيالى بايلانىس ابونەنتتەرى قازاقستاندىق ينتەرنەت-رەسۋرستارعا تاريفتەلمەگەن قولجەتىمدىلىكتى ۇسىنادى. ەندى Jańa تاريفتىك جەلىسىنىڭ ابونەنتتەرى كۇندەلىكتى تەگىن بونۋستىق توپتامانى قوسا الادى. وعان Kcell / activ جەلىسى ىشىندە 30 مينۋتتىق داۋىستىق بايلانىس جانە بارلىق Kaznet سايتتارىنى تاريفتەلمەگەن جۇيەدە قوسىلادى.
قازاقستاندىق ۆەب-رەسۋرستارعا اقىسىز قولجەتىمدىلىك ءبىلىم بەرۋ ۇيىمدارىنىڭ قاشىقتىقتان وقىتۋ كەزەڭىندە ماڭىزعا يە. وسىلايشا, «كسەلل» بارلىق Kcell جانە activ ابونەنتتەرى ءۇشىن جوعارى وقۋ ورىندارىنىڭ سايتتارىنا, انىقتامالىقتاردىڭ ەلەكتروندى دەرەكقورلارىنا, ونلاين كۇندەلىكتەرگە, ەلەكتروندى ءبىلىم بەرۋ پورتالدارىنا جانە قر ءبىلىم جانە عىلىم مينيسترلىگى ۇسىنعان باسقا ءبىلىم بەرۋ رەسۋرستارىنا اقىسىز قولجەتىمدىلىكتى قامتاماسىز ەتىپ وتىر.
سونىمەن قاتار قاشىقتىقتان اۋىستىرۋ جانە SIM-كارتالاردى ۇيگە تەگىن جەتكىزۋ مۇمكىندىگى قاراستىرىلعان. مەگابايتتار توتەنشە جاعداي كەزىندە www.coronavirus2020.kz سايتىنا كىرۋگە دە مۇمكىندىك بەرەدى.
سونداي-اق, وپەراتور بارلىق Kcell جانە activ ابونەنتتەرىنە بانكتەر مەن ءموبيلدى بانكينگتەر سايتتارىنا قولجەتىمدىلىكتى ۇسىنادى. بۇدان بۇرىن ءمالىم بولعانىنداي, مەديتسينا قىزمەتكەرلەرىنە كومەك كورسەتۋ اياسىندا «كسەلل» كوروناۆيرۋستىق پاندەميامەن كۇرەسەتىن قازاقستاندىق دارىگەرلەر ءۇشىن اقىسىز بايلانىس پاكەتىن ۇسىندى.
الماتى