كوروناۆيرۋس قارتتاردان بولەك قانت ديابەتىمەن, سەمىزدىك جانە وكپە اۋرۋىمەن اۋىراتىن ناۋقاستارعا قاۋىپتى كورىنەدى.
مۇنداي پىكىردى رەسەيدىڭ دەنساۋلىق ساقتاۋ ءمينيسترى ميحايل مۋراشكو ايتتى دەپ حابارلايدى egemen.kz ءتىلشىسى ريا نوۆوستي-گە سىلتەمە جاساپ.
رەسەيدىڭ باس دارىگەرى, سونداي-اق, ۆيرۋسپەن كۇرەسۋ ماقساتىندا ىشىمدىك ىشپەۋگە كەڭەس بەرەدى.
«الكوگول مەن تەمەكى كوروناۆيرۋستى جويادى دەگەن قاۋەسەتتەر تاراپ جاتىر. بۇل - cاندىراق. ەڭ دۇرىسى - دۇرىس تاماقتانۋ. سونداي-اق جەلدەتىلگەن بولمەدە فيزيكالىق جاتتىعۋلار جاساعان پايدالى. قازىرگى ۋاقىتتا يممۋنيتەتتى كوتەرۋگە ارنالعاننىڭ بارلىعى پايدالى» دەيدى رەسەيدىڭ دەنساۋلىق ساقتاۋ ءمينيسترى.