الماتى قالاسىنىڭ كارانتيندىك ورتالىقتارىندا جانە ەرىكتىلەر شتابىندا قازىر قازۇمۋ-دىڭ 50-دەن استام جوعارى سىنىپ وقۋشىسى جۇمىس ىستەيدى. رەزيدەنتتەر مەن ينتەرندەردىڭ تاجىريبە الاڭىنداعى جۇمىسى قاۋىپتى بولعانىمەن دە, ولار كۇندەلىكتى تاڭەرتەڭنەن كەشكە دەيىن جۇقپالى اۋرۋ دارىگەرلەرىنە كومەكتەسىپ ءجۇر.
ۋنيۆەرسيتەتتىڭ ءباسپاسوز قىزمەتىنىڭ مالىمەتى بويىنشا, ولار ناۋقاستاردىڭ دەنە قىزۋىن ولشەيدى, كومەككە ءزارۋ ادامدار تۇراتىن ۇيلەرگە - ءبىرىنشى كەزەكتە كوپ بالالى وتباسىلار, مۇگەدەكتەر مەن زەينەتكەرلەرگە ازىق-ت ۇلىك جەتكىزىپ بەرەدى. اق حالاتتى ەرىكتىلەر كارانتين ايماقتارىنىڭ جۇمىسىنا بەلسەندى قاتىسۋدا ءارى حالىقارالىق رەيستەرمەن كەلەتىندەردىڭ ءتىزىمىن جاساپ, وتكىزۋ پۋنكتتەرىندە جۇمىس ىستەۋدە.
قازۇمۋ رەكتورى تالعات نۇرعوجيننىڭ ايتۋىنشا, بۇل - اق حالاتتى ەرىكتىلەردىڭ ءوز باستاماسى. ولاردىڭ بۇل يگى شاراسى بولاشاق بىلىكتى ماماندار ءۇشىن قۇپتارلىق ءىس.
بولاشاق دارىگەرلەر تەك كارانتيندىك ايماقتار مەن ەرىكتىلەر ورتالىقتارىندا عانا ەمەس, قالاداعى اۋرۋحانالاردا دا ادام جانىنىڭ اراشاسى بولىپ ءجۇر.
الماتى