كىتاپحانادا كىدىرىس جوق

قازىرگى كوروناۆيرۋس ىندەتى كەزىندە ادامداردىڭ رۋحاني سۇرانىسى مەن قا­جەتتىلىگىن قانا­عاتتاندىرا الاتىن قازى­نا­لى مەكەمەنىڭ اقپاراتتىق تەحنو­لو­گيا­لاردىڭ كومەگىمەن كوپشىلىككە قىزمەت جاساۋدى جالعاستىرىپ جۇرگەنى اتاپ ايتۋعا تۇرارلىقتاي ءىس ەكەنى انىق. بۇل جونىندە وبلىستىق كىتاپحاناعا ارنايى كەلىپ ونىڭ قىزمەتىمەن تانىسقان اقتوبە وبلىسىنىڭ اكىمى وڭداسىن وراز­الين ءوز وي-پىكىرىن تومەندەگىشە تۇجى­رىمدادى.

«ازاماتتار قانداي كۇردەلى كەزەڭدە دە, قانداي سىني شاقتا دا وزدەرىنە رۋحاني ءنار مەن ازىق الا بىلۋلەرى كەرەك. توتەنشە رەجىم جاعدايىندا دا كىتاپ­حانادا وقىرماندار سۇرانىستارىن قانا­عاتتاندىرۋدىڭ تىڭ تاسىلدەرى ىزدەستىرىلىپ جاتقانى ىزەتتى دە ساۋابى مول ءىس. بۇل رەتتە ەلەكتروندى كىتاپتار سانىن كوتەرۋگە نەعۇرلىم كوبىرەك كوڭىل بولىنسە, قولعا الىنعان ءىستىڭ ناتيجەسى دە سوعۇرلىم جو­عارى بولماق. قازىرگى كۇنى وسىنداي قاجەتتىلىك تۋىپ وتىرعاندىقتان كىتاپ­حانا ۇجىمى وقىرمانعا قاجەتتى كەز كەل­گەن وقۋلىق پەن كىتاپتىڭ قولجەتىمدى بولۋىنا قام-قارەكەت جاساي بىلگەندەرى ءجون. بۇل باعىتتاعى باستامالار كوڭىلدەن شىعادى».

بۇعان قوسا ايتارىمىز, قازىرگى كەزدە اقتوبەلىك وقىرماندار Baishev.kz سايتى ارقىلى كەز كەلگەن سۇراقتارعا جا­ۋاپ الا الادى. كىتاپحانادا «ولكەتانۋ» باعىتى بويىنشا 2015 جىلدان بەرى 1500 كىتاپ ەلەكتروندى فورماتقا كوشىرىلگەن. سونىمەن قاتار كۆوركينگ ورتالىعىندا «اقتوبەدەگى امەريكا» بۇرىشى قىزمەت كورسەتەدى. مۇندا اسا قۇندى ءارى كەز كەلگەن جەردە تابىلا بەرمەيتىن ءۇش مىڭ­نان استام اعىلشىن تىلىندەگى كىتاپتار قويىلعان. كىتاپحاناعا بۇدان ەكى جىل بۇرىن قۇنى 4,5 ميلليون تەڭگە تۇراتىن كولەمى ۇلكەن ەلارسكان سكانەرى ساتىپ الىنعان. سونىڭ ارقاسىندا ايىنا ەلۋ-الپىس كىتاپتى تسيفرلاندىرۋعا مۇمكىندىك تۋىپ وتىر.

اقتوبە