مونعوليادا ۇيدە كارانتيندە وتىرعانداردى باقىلايتىن Surveillance app ءموبيلدى قوسىمشاسى قولدانىستا, دەلىنگەن MNG دەرەكتەرىندە.
Surveillance app قوسىمشاسى COVID-19 كۇرەستە پايدالانىلادى, ونى جاساۋ بارىسىندا كوپتەگەن باعدارلامالار مەن قوزعالىس ترەكەرلەرى قولدانىلعان. مونعوليانىڭ توتەنشە جاعدايلار بويىنشا مەملەكەتتىك كوميسسياسى مالىمەتتەرى بويىنشا بايان-ولگي, دارحان-ۋل, حۋبسۋگۋل, حەنتي, بايانحونگور جانە زاۆحان ايماقتارىندا 2 مىڭنان استام ادام كارانتينگە جابىلعان. ولار 14 كۇننەن كەيىن كارانتيننەن شىعاتىن بولادى.
كارانتين كەزىندە ۇيدەن شىققاندار قۇقىقبۇزۋشىلىق بويىنشا زاڭمەن جازالانادى. قۇقىق قورعاۋ ورگاندارى ءموبيلدى قوسىمشا ارقىلى باقىلاپ وتىرادى, سوندىقتان دا ۇيالى بايلانىستى وشىرۋگە تىيىم سالىنعان. ءموبيلدى قوسىمشالار پاندەميامەن كۇرەستە الەم ەلدەرىندە ىسكە قوسىلعان.