لوندون وليمپياداسىنىڭ چەمپيونى, سيدنەي وليمپياداسىنىڭ كۇمىس جۇلدەگەرى الەكساندر ۆينوكۋروۆتىڭ ۆەلوسيپەدى بۋرابايدا وتكەن قايىرىمدىلىق اۋكتسيونىندا 3,5 ملن. ساتىلدى. بۇل تۋرالى Bnews.kz ءتىلشىسى حابارلادى.
وسىلايشا اتاقتى ۆەلوشباندوزدىڭ كولىگى 23,3 مىڭ دوللارعا باعالاندى. اۋكتسيوندا «Rixos Lake Birovoe» وتەلى مەن وليمپيادا چەمپيونى الەكساندر ۆينوكۋروۆ ءوز لوتتارىن ۇسىندى. ولاردان تۇسكەن قارجى كوكشەتاۋ قالاسىنداعى وبلىستىق پەريناتالدىق ورتالىعى بالالاردىڭ جانساقتاۋ بولىمىنە زاماناۋي مەديتسينالىق قۇرال-جابدىقتاردى الۋعا جۇمسالاتىن بولدى.
اۋكتسيون قورىتىندىسىندا «Rixos «وتەلىنىڭ بىرنەشە سەرتيفيكاتى (400 مىڭ تەڭگەگە) جانە ۆينوكۋروۆتىڭ 4 سپورت جەيدەسى (45,100, 600, 750 مىڭ تەڭگەگە) وزدەرىنىڭ جاڭا يەلەرىن تاپتى. ءبىر ايتاتىنى, ۆەلوشاباندوز ءوزىنىڭ باستى جەڭىستەرىنە وسى جەيدەلەرىمەن جەتكەن ەكەن. ال سپورتشىنىڭ بىرنەشە مارتە جەڭىس تۇعىرىنان كورىنۋىنە باستاپ اپارعان ۆەلوسيپەدى 3,5 ميلليون تەڭگەگە ءوتتى. سونداي-اق, ا.ۆينوكۋروۆ جارىستىڭ 13 جاستاعى ەڭ جاس قاتىسۋشىسىنا كىتابىن سىيلادى.
قايىرىمدىلىق شاراسىنىڭ ۇيىمداستىرۋشىلارى بالالارعا قاجەتتى قۇرال-جابدىقتاردى الۋ ءۇشىن 11,5 ملن. تەڭگە جيناۋدى جوسپارلاپ وتىر.
ساكەن مايلىباي.