قىزىلوردا قالاسىنا قاراستى اۋىلدىق وكرۋگتەردە كۇرىش ورعاى ناۋقانى جاپپاي باستالاتىن شاق كۇن ساناپ جاقىنداپ كەلەدى. بۇل تۋرالى قالالىق اكىمدىكتىڭ ءباسپاسوز حاتشىسى بالدىرعان مامەن حابارلادى.
«تامىز ايىنىڭ سوڭىندا كۇرىشتى جاپاپي ورۋ باستالادى, - دەدى ول. – كۇرىش قالاعا قاراستى اۋىلدىق وكرۋگتەردىڭ 2377 گەكتار القابىنا ەگىلگەن. ۇستىمىزدەگى جىلى ولاردى سۋارۋعا بايلانىستى پروبلەمالار بولعان جوق. ءونىم جاقسى بولۋى ءتيىس».
قالا اكىمدىگىندە ەگىن جيناۋ ناۋقانىنا بايلانىستى سالا باسشىلارى مەن تاۋار وندىرۋشىلەرىنىڭ باسقوسۋى بولدى. وندا قالالىق اۋىل شارۋاشىلىعى ءبولىمىنىڭ باسشىسى قۋانىش احمەتوۆ اۋىل شارۋاشىلىعى قۇرىلىمدارىنىڭ كۇزگى ەگىن جيناۋ ناۋقانىنا دايىندىعى جونىندە حابارلاما جاسادى. ونىڭ ايتۋىنشا, قالانىڭ تاۋار وندىرۋشىلەرى بيىلعى جىلى 6717 گەكتار جەرگە ەگىس داقىلدارىن ەككەن. وتكەن جىلدارمەن سالىستىرعاندا, ەگىس كولەمى 154 گەكتارعا ارتسا, مال ازىعىندىق داقىلدار ەگىسىنىڭ كولەمى 890 گەكتارعا ۇلعايعان.
كۇرىش سۋىن تارتۋ 5 تامىزدان بەرى ءجۇرىپ جاتىر. بۇگىنگى كۇنگە دەيىن 2377 گەكتار كۇرىش القابىنىڭ 80 گەكتار جەرىنىڭ سۋى تارتىلعان. سىر مارجانىن جيناۋ جۇمىستارى 27 تامىزدا باستالىپ, ءبىر اي ىشىندە تولىق اياقتالادى دەگەن بولجام بار.
– بيىلعى ەگىن جيناۋ ناۋقانىنا, – دەيدى اۋىل شارۋاشىلىعى ءبولىمىنىڭ باسشىسى ق.احمەتوۆ, – 18 دانا جاتكا, 27 دانا كومباين, 42 دانا تراكتور مەن 20 دانا تىركەمە, 6 دانا اۆتوكولىك قاتىسادى. سونداي-اق ناۋقاندىق جۇمىسقا 267 ادام قاتىسادى دەپ مەجەلەنۋدە.
ايتسا ايتقانداي, بۇگىندە ەگىن جيناۋعا قاتىساتىن اۋىل شارۋاشىلىعى تەحنيكالارى ساقاداي ساي ازىرلىكتە ەكەن.
قالا اكىمى نۇرلىبەك نالىباەۆ سالا باسشىلارى مەن تاۋار وندىرۋشىلەرگە ەل نەسىبەسى – ەگىندى جيناۋ ناۋقانىن زور دايىندىق, اسقان ۇيىمشىلدىقپەن وتكىزۋگە بايلانىستى ناقتى تاپسىرمالار بەردى.
سەيىتجان ق ۇلىمباي.