دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس ادحانوم گەبرەيەسۋس ۇيدە وقشاۋلانىپ, جەكە باس تازالىعىن ساقتاۋ ۆيرۋسپەن كۇرەس ءۇشىن جەتكىلىكسىز ەكەندىگىن ايتىپ, ادامزات باسىنا كەلگەن تاجال ۆيرۋسىن توقتاتۋدىڭ بىردەن-ءبىر جولى سىناما وتكىزۋ ەكەندىگىن اتاپ ءوتتى.
«بارلىق ەلدەر مەيلىنشە شارالاردى قولدانۋى قاجەت. ەڭ ءتيىمدىسى – ۆيرۋس جۇقتىرۋدىڭ الدىن الۋ, ياعني سىناما الىپ, وقشاۋلاۋ. ەگەر دە ءبىز كىمگە جۇققانىن دەر كەزىندە انىقتاي المايتىن بولساق, وندا ۆيرۋستى دا جويۋ مۇمكىن ەمەس» دەدى ددسۇ باسشىسى.
سوندىقتان ددسۇ الەم ەلدەرىنە ءوز ازاماتتارىن ۇزدىكسىز تەكسەرۋ قاجەت, دەگەن قاراپايىم عانا ۇندەۋ جولدايدى. ءار مەملەكەت تەست جاساۋدىڭ قاناشالىقتى ءتيىمدى ەكەنىن وسى ەپيدەميامەن كۇرەس بارىسىندا كوز جەتكىزەتىنى انىق.
الماتى