الماتىداعى كوروناۆيرۋستىڭ تارالۋىن بولدىرماۋ جونىندەگى ايماقتىق جەدەل شتابتىڭ شەشىمىمەن قالانىڭ ايىرباستاۋ پۋنكتتەرىنىڭ جۇمىس ۋاقىتى شەكتەلدى, دەپ حابارلايدى الماتى قالاسى اكىمدىگىنىڭ ءباسپاسوز قىزمەتى.
2020 جىلدىڭ 21 ناۋرىزىنان باستاپ 25 ناۋرىزىنا دەيىن بارلىق, ونىڭ ىشىندە ەكىنشى دەڭگەيلى بانكتەردەگى ايىرباستاۋ پۋنكتتەرى دا 10:00-دەن 16:00-گە دەيىن جۇمىس رەجيمىنە اۋىسادى.
الماتى قالاسىنىڭ اكىمدىگى قازاقستان رەسپۋبليكاسى پرەزيدەنتىنىڭ «قازاقستان رەسپۋبليكاسىنا توتەنشە جاعدايدى ەنگىزۋ تۋرالى» 2020 جىلعى 15 ناۋرىزداعى №285 جارلىعىنا سايكەس, ازاماتتاردىڭ ءومىرى مەن دەنساۋلىعىن ساقتاۋ ماقساتىندا قازاقستان رەسپۋبليكاسى پرەزيدەنتىنىڭ جانىنداعى توتەنشە جاعدايدى قامتاماسىز ەتۋ جونىندەگى مەملەكەتتىك كوميسسيانىڭ 2020 جىلعى 17 ناۋرىزداعى №2 وتىرىسىنىڭ حاتتاماسىنا وراي الماتى قالاسىنداعى كارانتين جانە توتەنشە جاعداي كەزىندە كوروناۆيرۋستىق ينفەكتسيانىڭ (COVID-19) تارالۋىن بولدىرماۋ ءۇشىن الماتى قالاسى اكىمدىگى جانىنداعى توتەنشە جاعدايدى قامتاماسىز ەتۋ جونىندەگى جەدەل شتابتىڭ توراعاسى قاۋلى ەتىپ, وندا قالادا ورنالاسقان ايىرباستاۋ پۋنكتتەرىنىڭ جۇمىس رەجيمىن ساعات 10.00-دەن 16.00-گە دەيىن انىقتاۋ, وسى شەشىمنىڭ ورىندالۋىن باقىلاۋ الماتى قالاسى اكىمدىگى جانىنداعى توتەنشە جاعدايدى قامتاماسىز ەتۋ جونىندەگى جەدەل شتاب توراعاسىنىڭ ورىنباسارى – الماتى قالاسى اكىمىنىڭ ءبىرىنشى ورىنباسارى ە.قوجاعاپانوۆقا جۇكتەلدى.
شەشىم 2020 جىلدىڭ 21 ناۋرىزىنان باستاپ كۇشىنە ەنەدى.
الماتى