2012 جىلعى 7 جەلتوقسان, استانا قالاسى
مەديتسينالىق قىزمەتكە ليتسەنزيا بەرۋ, قايتا رەسىمدەۋ, ليتسەنزيانىڭ تەلنۇسقاسىن بەرۋ ەلەكتروندىق مەملەكەتتىك قىزمەت كورسەتۋدىڭ رەگلامەنتىن بەكىتۋ تۋرالى
«اقپاراتتاندىرۋ تۋرالى» قازاقستان رەسپۋبليكاسىنىڭ 2007 جىلعى 11 قاڭتارداعى زاڭىنىڭ 29-بابىنا, «ەلەكتروندىق مەملەكەتتىك قىزمەتتىڭ ۇلگى رەگلامەنتىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2010 جىلعى 26 قازانداعى №1116 قاۋلىسىنا سايكەس بۇيىرامىن: 1. قوسا بەرىلىپ وتىرعان «مەديتسينالىق قىزمەتكە ليتسەنزيا بەرۋ, قايتا رەسىمدەۋ, ليتسەنزيانىڭ تەلنۇسقاسىن بەرۋ» ەلەكتروندىق مەملەكەتتىك قىزمەت رەگلامەنتى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ مينيسترلىگى مەديتسينالىق جانە فارماتسەۆتيكالىق قىزمەتتى باقىلاۋ كوميتەتى (د.س.ەسىموۆ): 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىقتى مەملەكەتتىك تىركەۋدەن وتكەننەن كەيىن قازاقستان رەسپۋبليكاسى دەنساۋلىق ساقتاۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ زاڭ قىزمەتى دەپارتامەنتى (ج.ج.داناەۆا) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن زاڭنامادا بەلگىلەنگەن تارتىپپەن بۇقارالىق اقپارات قۇرالدارىندا رەسمي جاريالانۋىن قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ ۆيتسە-ءمينيسترى ە.ءا.بايجۇنىسوۆكە جۇكتەلسىن. 5. وسى بۇيرىق العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ ءمينيسترى س.قايىربەكوۆا.
قازاقستان رەسپۋبليكاسى دەنساۋلىق ساقتاۋ مينيسترiنiڭ2012 جىلعى 7 جەلتوقسانداعى № 848 بۇيرىعىمەن بەكىتىلگەن
«مەديتسينالىق قىزمەتكە ليتسەنزيانى بەرۋ, قايتا رەسىمدەۋ, ليتسەنزيانىڭ تەلنۇسقاسىن بەرۋ» ەلەكتروندىق مەملەكەتتىك قىزمەت رەگلامەنتى
1.جالپى ەرەجەلەر 1. ەلەكتروندىق مەملەكەتتىك قىزمەتتى قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتتىڭ اۋماقتىق بولىمشەلەرى, قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەملەكەتتىك سانيتارلىق-ەپيدەميولوگيالىق قاداعالاۋ كوميتەتى جانە ونىڭ اۋماقتىق بولىمشەلەرى (بۇدان ءارى – قىزمەت بەرۋشىلەر) بالامالى نەگىزدە حالىققا قىزمەت كورسەتۋ ورتالىقتارى (بۇدان ءارى – ورتالىق), سونداي-اق «ەلەكتروندىق ۇكىمەت» www.e.gov.kz ۆەب-پورتالى نەمەسە «ە-ليتسەنزيالاۋ» www.elicense.kz ۆەب-پورتالى ارقىلى (بۇدان ءارى – ەۇپ) كورسەتەدى. 2. ەلەكتروندىق مەملەكەتتىك قىزمەت (بۇدان ءارى – مەمەلەكەتتىك قىزمەت) «مەديتسينالىق قىزمەت سالاسىنداعى مەملەكەتتىك قىزمەت ستاندارتتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 10 قىركۇيەكتەگى № 1173 قاۋلىسىمەن بەكىتىلگەن «مەديتسينالىق قىزمەتكە ليتسەنزيانى بەرۋ, قايتا رەسىمدەۋ, ليتسەنزيانىڭ تەلنۇسقاسىن بەرۋ» مەملەكەتتىك قىزمەت ستاندارتىنىڭ (بۇدان ءارى – ستاندارت) نەگىزىندە كورسەتىلەدى. 3. ەلەكتروندىق مەملەكەتتىك قىزمەتتىڭ اۆتوماتتاندىرىلۋ دەڭگەيى: ءىشىنارا اۆتوماتتاندىرىلعان (مەديا-بولىكتەرى بار ەلەكتروندىق مەملەكەتتىك قىزمەت). 4. مەملەكەتتىك قىزمەت كورسەتۋ تۇرلەرى: ترانزاكتسيالى. 5. وسى رەگلامەنتتە پايدالانىلاتىن تۇسىنىكتەر مەن قىسقارتۋلار: 1) اقپاراتتىق جۇيە (اج) - اپپاراتتىق-باعدارلامالىق كەشەندى پايدالانا وتىرىپ ساقتاۋ, وڭدەۋ, ىزدەۋ, تاراتۋ, بەرۋگە جانە ۇسىنۋ ءۇشىن ارنالعان جۇيە; 2) «ە-ليتسەنزيالاۋ» ۆەب-پورتالى (بۇدان ءارى – «ە-ليتسەنزيالاۋ» مدق اج) – بەرىلگەن, قايتا رەسىمدەلگەن, توقتاتا تۇرىلعان, قايتا جاڭعىرتىلعان جانە قولدانىلۋى توقتاتىلعان ليتسەنزيالار, سونداي-اق ليتسەنزيار بەرەتىن ليتسەنزيانىڭ سايكەستەندىرۋ ءنومىرىن ورتالىقتاندىرىپ قالىپتاستىراتىن قىزمەتتىڭ ليتسەنزيالاناتىن ءتۇرىن (كىشى ءتۇرىن) جۇزەگە اسىراتىن ليتسەنزيات فيليالدارى, وكىلدىكتەرى (وبەكتىلەرى, پۋنكتتەرى, ۋچاسكەلەرى) تۋرالى مالىمەتتەردى قامتيتىن اقپاراتتىق جۇيە; 3) «ەلەكتروندىق ۇكىمەت» ءشليۋزى (بۇدان ءارى – ەۇش) - ەلەكتروندىق قىزمەتتى ىسكە اسىرۋ شەڭبەرىندە «ەلەكتروندىق ۇكىمەت» اقپاراتتىق جۇيەسىن ىقپالداستىرۋ ءۇشىن ارنالعان اقپاراتتىق جۇيە; 4) «ەلەكتروندىق ۇكىمەت» تولەم ءشليۋزى (بۇدان ءارى – ەۇتش) - جەكە جانە زاڭدى تۇلعالاردىڭ تولەمدەرىن جۇزەگە اسىرۋ كەزىندە ەكىنشى دەڭگەيلى بانكتەردىڭ بانكتىك وپەراتسيالاردىڭ جەكەلەگەن ءتۇرىن جۇزەگە اسىراتىن, ۇيىمداردىڭ جانە «ەلەكتروندىق ۇكىمەتتىڭ» اقپاراتتىق جۇيەلەرىنىڭ اراسىنداعى ءوزارا ءىس-قيمىلدى قامتاماسىز ەتۋ ءۇشىن ارنالعان اۆتوماتتاندىرىلعان اقپاراتتىق جۇيە; 5) «جەكە تۇلعالار» مەملەكەتتىك دەرەكقورى (بۇدان ءارى – جت مدق) - اقپاراتتى اۆتوماتتاندىرىلعان جيناۋ, ساقتاۋ جانە وڭدەۋ ءۇش