وقيعا تاڭعى ساعات التى كەزىندە بولعان. حالتۋرين كوشەسىندەگى جەكەمەنشىك ۇيىنەن دالاعا شىققان امانگەلدى سۇلتانوۆ كورشى ايەلدىڭ ۇيىنەن جالىن لاۋلاپ جاتقانىن كورەدى. كوپ ويلانباعان جىگىت ۇيىنە جۇگىرىپ كىرىپ, ايەلىنە ءورت قىزمەتىن شاقىرۋدى تاپسىرىپ, ءوزى كورشىلەرىن قۇتقارۋعا كىرىسەدى.
بۇل ۋاقىتتا امانگەلدىنىڭ كورشىسى زينايدا ۋفيمتسەۆا ۇيىندە كامەلەتكە تولماعان ءۇش بالاسىمەن بىرگە قاننەن-قاپەرسىز ۇيىقتاپ جاتادى. سىرتقى ەسىكتى بۇزىپ كىرگەن جىگىت الدىمەن ءبىر بولمەدە جاتقان كورشىسى مەن ونىڭ ەكى جاس بالاسىن تابادى. ۇيقىلى-وياۋ بالالار نە بولعانىن تۇسىنبەي جاتقانىنا قاراماي, ولاردى قۇشاقتاعان بويى كەزەكپەن دالاعا شىعارادى. سويتسە, بالالار تۇتىنگە تۇنشىعىپ, ەستەرىنەن ايرىلىپ قالعان ەكەن. كورشى ايەلدىڭ ءوزى دە ەسىن شالا بىلەدى. جىگىت ونى دا وتتان جەدەل شىعارادى. باسىن قاتەرگە تىگە ءجۇرىپ امانگەلدى ءۇشىنشى بالانى دا قۇتقارادى. ءبارىن دە ءوزىنىڭ ۇيىنە كىرگىزىپ, تاڭعى ىزعاردان بۇرسەڭدەگەن جۇقا كيىمدى جانداردى جىلىتادى. ءسويتىپ, ءبىر ءۇيلى جاندى تۇگەل قۇتقارعاننان كەيىن عانا دابىلىن بەزىلدەتىپ, ورتسوندىرۋشىلەر جەتەدى. ەگەر امانگەلدى باسىن قاتەرگە تىگىپ, كورشىلەرىن الىپ شىقپاعاندا ولاردىڭ ءتىرى قالۋى نەعايبىل ەكەن. «نە قىلعان ەرلىك», دەيدى ابەكەڭ مىرس ەتىپ, «مەنىڭ ورنىمدا كەز كەلگەن ادام وسىنى ىستەر ەدى عوي». الايدا, بىرەۋ ءۇشىن باستارىن مۇنداي قاتەرگە تىگەتىندەر تابىلا قويۋى وڭاي ەمەس.
پەتروپاۆل