ءبىزدىڭ بىرلىگىمىز – قازىرگى قيىندىقتى ەڭسەرۋدىڭ كەپىلى. تاۋەلسىز قازاقستان تاريحىندا بۇدان دا كۇردەلى كەزەڭدەردى باستان وتكەردىك. بۇل تۋرالى تۇڭعىش پرەزيدەنت - ەلباسى حالىققا ارناعان ۇندەۋىندە ايتتى.
«بارلىق اۋىرتپالىقتى جەڭىپ, ءاردايىم ورتاق وتانىمىزدىڭ گۇلدەنۋى جولىندا ەڭبەك ەتىپ كەلەمىز. وسى جولعى سىناقتى دا ەل بولىپ ەڭسەرەمىز دەپ سەنەمىن.
قازاقستاننىڭ جولى قيىندىقسىز بولمايتىنىن مەن تاۋەلسىزدىكتىڭ باستاپقى كەزىندە-اق بىلگەنمىن. بۇل رەتتە تاريح پەن ۋاقىت ءبىزدىڭ جوسپارىمىزعا وزگەرىستەرىن ەنگىزەتىنىن ەسكەرگەن ەدىم» دەدى نۇرسۇلتان نازارباەۆ.
سونداي-اق ەلباسى جايما شۋاق كەزدەردىڭ وزىندە دە ءبىز الدىمىزدان شىعۋى مۇمكىن سىن-قاتەرلەرگە دايىندالىپ, الماعايىپ ۋاقىتتاردا قاجەت بولاتىن رەزەرۆ قالىپتاستىرعانىمىزدى ەسكە سالدى.