حالىقارالىق حوككەي فەدەراتسياسى (IIHF) قارت قۇرلىقتاعى كورەرمەنى ەڭ كوپ كوماندالاردىڭ رەيتينگىن جاريالادى.
سول تىزىمدە نۇر-سۇلتاننىڭ «بارىسى» 24 ورىندا تۇر. بىلتىرعى ماۋسىممەن سالىستىرعاندا, جەرلەستەرىمىز بەس ساتىعا جوعارلادى. 2019/2020 جىلعى ماۋسىمدا قازاقستاندىق كلۋبتىڭ ءار باسەكەسىن تاماشالاۋ ءۇشىن «بارىس ارەناعا» ورتا ەسەپپەن 6 816 كورەرمەن كەلگەن ەكەن. بىلتىر بۇل سان 6 448 ادامدى قۇراعان.
جالپى قۇرلىقتىق حوككەي ليگاسىندا (قحل) كۇش سىناسىپ جۇرگەندەر اراسىنان التى كوماندا عانا «بارىستىڭ» الدىن ورادى. ولار – سكا (سانكت-پەتەربۋرگ), «دينامو» (مينسك), «سپارتاك» (ماسكەۋ), «يوكەريت» (حەلسينكي), تسسكا (ماسكەۋ), «اق بارس» (قازان) جانە «لوكوموتيۆ» (ياروسلاۆل). بىلتىرعى ماۋسىمدا 11 كوماندا الدىمىزدا ەدى.
ال ەۋروپادا كورەرمەنى ەڭ كوپ كوماندا – شۆەيتساريانىڭ «بەرنى». ءار ويىنعا ورتا ەسەپپەن 16 237 كورەرمەن جينالاتىن ايتۋلى كلۋبتىڭ وسى رەيتينگتە كوش باستاپ تۇرعانىنا تابانى كۇرەكتەي 19 جىل بولدى.