ForteBank قيىن جاعدايداعى كليەنتتەرىنە قولداۋ كورسەتۋ ماقساتىندا جانە ۇكىمەت پەن قارجى نارىعىن رەتتەۋ جانە دامىتۋ اگەنتتىگىنىڭ شارالارىن ەسكەرە وتىرىپ, جەكە تۇلعالارعا كليەنتتەردىڭ وتىنىشتەرى نەگىزىندە نەسيەلىك مىندەتتەمەلەردى 90 كۇنگە دەيىن كەشىكتىرۋگە بولاتىنىن حابارلايدى.
جەكە تۇلعالارعا كەپىلسىز نەسيە بەرۋ ءۇشىن 90 كۇننەن استام مەرزىمگە سىياقى ەسەپتەۋ توقتاتىلادى.
ال جەكە كاسىپكەرلەر مەن شوب سۋبەكتىلەرىنە بانك جەكەلەگەن نەگىزدە نەسيە بويىنشا مىندەتتەمەلەردى 90 كۇنتىزبەلىك كۇنگە دەيىن كەيىنگە قالدىرۋدى ۇسىنادى.
كەيىنگە قالدىرۋ مۇمكىندىگى قازاقستانداعى توتەنشە جاعدايعا بايلانىستى شەكتەۋلەردىڭ ەنگىزىلۋىنە بايلانىستى قارجىلىق جاعدايى ناشارلاعان جەكە كاسىپكەرلەرگە جانە شاعىن جانە ورتا بيزنەس وكىلدەرىنە بەرىلەدى.
«بيزنەستىڭ جول كارتاسى-2020», «بيزنەستىڭ جول كارتاسى-2025» مەملەكەتتىك باعدارلامالارى اياسىندا كاسىپكەرلىگىن باستاعان زاڭدى تۇلعالار قارىزدى كەيىنگە قالدىرۋ ءۇشىن «دامۋ» ركق-مەن قوسىمشا كەلىسۋ قاجەت بولادى.
ForteBank ءباسپاسوز قىزمەتىنىڭ اقپاراتىنشا, كليەنتتەرگە بانككە حابارلاسۋ ءۇشىن فيليالعا ارنايى كەلۋدىڭ قاجەتى جوق.
ۆيرۋستىڭ تارالۋىن شەكتەۋ ماقساتىندا ForteBank تسيفرلىق بايلانىس قۇرالدارى نەگىزىندە جۇمىس اعىنىن ۆەب-سايت, ءموبيلدى قوسىمشا, ەلەكتروندىق پوشتا ارقىلى ۇيىمداستىرادى.
جەكە تۇلعالار, سونداي-اق, جەكە كاسىپكەرلەر مەن شوب سۋبەكتىلەرى وزدەرىنىڭ وتىنىشتەرىنە قارجىلىق جاعدايىنىڭ ناشارلاۋىن راستايتىن سكانەرلەنگەن قۇجاتتاردى قوسا بەرۋى قاجەت.
تولىق نۇسقاۋلار مەن تالاپ ەتىلەتىن قۇجاتتاردىڭ ناقتى ءتىزىمى جاقىن ارادا بانكتىڭ رەسمي سايتىنا جاريالانادى.
"ForteBank بارلىق كليەنتتەرىنە اقپاراتتىق جانە كەڭەستىك قولداۋ كورسەتەدى. قازىرگى ۋاقىتتا قارجى ۇيىمى كليەنتتەرىنە ءۇزىلىسسىز قىزمەت كورسەتۋ ءۇشىن وپەراتسيالىق بولىمشەلەردى جاپپاۋ تۋرالى شەشىم قابىلدادى. سونىمەن قاتار سانيتارلىق شارالاردى بارىنشا كۇشەيتتى جانە كليەنتتەر بارلىق ساۋال بويىنشا ۋاقتىلى اقپارات الۋى ءۇشىن call-ورتالىقتارىن كوبەيتتى" دەلىنگەن حابارلامادا.