قازاقستاندا كوروناۆيرۋستى جۇقتىرعان جاعدايلار تىركەلىپ, ونىڭ سانى ارتقان سايىن حالىقتى الاڭداتقان ساۋالدار دا كوبەيگەن. ايتالىق, بۇرىن 1406 بىرىڭعاي بايلانىس ورتالىعى كۇنىنە شامامەن 1500-2000 تەلەفون قوڭىراۋىن قابىلداپ كەلسە, بۇگىندە بۇل كورسەتكىش كۇنىنە 6 مىڭعا وسكەن.
«الەۋمەتتىك مەديتسينالىق ساقتاندىرۋ قورى» كەاق جۇرتشىلىقپەن بايلانىس دەپارتامەنتىنىڭ حابارلاۋىنشا, بىرىڭعاي بايلانىس ورتالىعىنىڭ وپەراتورلارى كوروناۆيرۋستىق جۇقپاسى قالاي جۇعاتىنىن, ونىڭ العاشقى بەلگىلەرى مەن جۇعۋ جولدارى جونىندە حالىققا تولىققاندى اقپارات بەرۋگە دايىن. ولار جۇرتشىلىققا دۇرىس كەڭەس بەرۋ ءۇشىن جانە ىندەتتىڭ الدىن الۋ مەن ءورشۋ جاعدايلارىن بولدىرماس ءۇشىن ارنايى دايىندىقتان وتكەن.
ەندى تۇرعىندار كوكەيىن كۇپتى ەتكەن ساۋالداردى 1406 بىرىڭعاي بايلانىس ورتالىعىنىڭ وپەراتورلارىنا عانا ەمەس, Qoldau 24/7 موبيلدىك قوسىمشاسىنا دا جولداي الادى. جولدانعان ءار سۇراققا تىركەۋ ءنومىرى بەرىلەدى. بۇدان كەيىن جەكە كابينەتكە كىرىپ, وعان بەرىلگەن جاۋاپتى قاراۋعا بولادى.
قىمبات توقتامۇرات