19 ناۋرىز كۇنى ساعات 00:00-دەن باستاپ جاريالانعان كارانتين ەرەجەلەرىن ساقتاۋ, سونداي-اق قالانىڭ كولىك ارتەرياسىن ءتۇسىرۋ ءتارتىبىن رەتتەۋ ماقساتىندا الماتى پوليتسياسى قالانى وبلىس ايماعى ارقىلى اينالىپ ءوتۋ جولىنىڭ سىزباسىن كارتاعا بەلگىلەدى.
بۇل وبلىس ايماعى ارقىلى قالانى اينالۋ باعىتىن كورسەتەدى. شارتتى تۇردە, تالعار اۋدانىنان قاراسايعا جانە اۋداندارعا قالاي جەتۋگە بولادى.
«كارتادا نۇكتە سىزىقپەن قالانى الماتى وبلىسىنىڭ ەلدى مەكەندەرى ارقىلى اينالىپ ءوتۋ جولدارى كورسەتىلگەن. سونىمەن قاتار ءبىز ازاماتتاردى مارشرۋتتاردى الدىن-الا جوسپارلاپ, رەتتەۋگە, توتەنشە جاعدايلار مەن كارانتين ەرەجەلەرىن قاتاڭ ساقتاۋعا, پوليتسيا قىزمەتكەرلەرىنىڭ زاڭدى تالاپتارىن ساقتاۋعا جانە كورونوۆيرۋستىق ينفەكتسيامەن كۇرەسۋ مەن الدىن-الۋ شارالارىنا تۇسىنىستىكپەن قاراۋعا شاقىرامىز», دەدى پوليتسيا دەپارتامەنتىنىڭ وكىلدەرى.