الماتى قالاسىنداعى زەنكوۆ كوشەسىندە ورنالاسقان «سۇڭقار» تۇرعىن ءۇي كەشەنى 15 كۇندىك كارانتينگە جابىلدى. سەبەبى مۇندا ينفەكتسيا وشاعى بولۋى مۇمكىن.
ەستە بولسا, كەشە قالا اكىمىنىڭ ورىنباسارى ەرجان باباقۇماروۆ الماتىدا كوروناۆيرۋس ىندەتىنىڭ وشاقتارى بار ەكەنىن مالىمدەگەن بولاتىن. ينفەكتسيانىڭ ارى قاراي تاراۋ تىزبەگىن بۇزۋدى ۇسىناتىن ارەكەتتەر الگوريتمى تۋرالى تىلگە تيەك ەتكەن باباقۇماروۆ, ناقتى مەكەن-جايلاردى اتاعان جوق.
الايدا «سۇڭقار» تۇرعىن ءۇي كەشەنى العاشقى ىندەت وشاعى رەتىندە وقشاۋلانىپ وتىر. اتالعان كوپقاباتتى ۇيدەگى قاۋىپتى ىندەت جۇقتىرعانداردىڭ ناقتى سانى ازىرگە بەلگىسىز.
ەندى ءۇي تۇرعىندارىنىڭ دالاعا شىعۋىنا رۇقسات جوق. كەشەن اۋماعىندا ادامداردى قاجەتتى تاۋارمەن قامتاماسىز ەتەتىن ءبىر عانا دۇكەن قىزمەت ەتەتىن بولادى. ال تاعام مەن تاۋار جەتكىزگەن جاعدايدا كۋرەر تاپسىرىستى ءتورت باقىلاۋ-وتكىزۋ نۇكتەلەرىنىڭ بىرىنە تاستاپ كەتۋى ءتيىس.