پرەمەر-ءمينيستردىڭ ءبىرىنشى ورىنباسارى – وڭىرلىك دامۋ ءمينيسترى باقىتجان ساعىنتاەۆ باستاعان قازاقستاندىق دەلەگاتسيا ىسكەرلىك ساپارمەن دۋباي ء(باا ) امىرلىگىندە بولىپ قايتتى. وندا «Jebel Ali Free Zone» (JAFZA) ەركىن ەكونوميكالىق ايماعىنىڭ قىزمەتىمەن تانىسىپ, سونىمەن قاتار «DP World» كومپانياسىنىڭ باسشىسى مۇحاممەد شارافپەن اتالمىش كومپانيانى اقتاۋ تەڭىز پورتىن باسقارۋعا تارتۋ جانە ونى «قورعاس-شىعىس قاقپاسى» ارنايى ەكونوميكالىق ايماعىمەن (اەا) ينتەگراتسيالاۋعا قاتىستى كەلىسسوزدەر جۇرگىزدى.
پرەمەر-ءمينيستردىڭ ءبىرىنشى ورىنباسارى – وڭىرلىك دامۋ ءمينيسترى باقىتجان ساعىنتاەۆ باستاعان قازاقستاندىق دەلەگاتسيا ىسكەرلىك ساپارمەن دۋباي ء(باا ) امىرلىگىندە بولىپ قايتتى. وندا «Jebel Ali Free Zone» (JAFZA) ەركىن ەكونوميكالىق ايماعىنىڭ قىزمەتىمەن تانىسىپ, سونىمەن قاتار «DP World» كومپانياسىنىڭ باسشىسى مۇحاممەد شارافپەن اتالمىش كومپانيانى اقتاۋ تەڭىز پورتىن باسقارۋعا تارتۋ جانە ونى «قورعاس-شىعىس قاقپاسى» ارنايى ەكونوميكالىق ايماعىمەن (اەا) ينتەگراتسيالاۋعا قاتىستى كەلىسسوزدەر جۇرگىزدى.
كەلىسسوزدەردە ءمالىم ەتىلگەندەي, «DP World» جۇمىسىنىڭ نەگىز قالاۋشى قاعيداتتارىن پايدالانۋ قازاقستاننىڭ كولىكتىك-لوگيستيكالىق جۇيەسىنىڭ دامۋىنا جانە ترانزيتتىك الەۋەتىنىڭ كەڭەيۋىنە قۋاتتى سەرپىن بەرىپ, سونداي-اق قازاقستان رەسپۋبليكاسىنىڭ تەڭىز تەرمينالدارىنا, لوگيستيكالىق ورتالىقتارىنا جانە تەمىر جولدارىنا ينۆەستيتسيالاۋ مۇمكىندىكتەرىن زەردەلەۋ ۇدەرىسىنە باستاۋ بولماق.
ايتا كەتەتىن جاي, قازىرگى ۋاقىتتا DP World باسقارۋىندا قىتاي, ءۇندىستان, گەرمانيا, كانادا سياقتى جانە ت.ب. 31 ەلدە 65 پورتتى تەرمينالدار بار. كومپانيا برازيليا, تۇركيا, فرانتسيا جانە باسقا دا ەلدەردە پورتتاردى باسقارۋدى جوسپارلاپ وتىر. كومپانيا 55 ميلليوننان استام TEU كونتەينەرلەرىن وڭدەۋدى جۇزەگە اسىرادى, جىلىنا 61 000-نان استام كەمەلەردى قابىلدايدى. كومپانيا تەڭىز تەرمينالدارىنىڭ الەمدىك جەلىسىندەگى ISO 28000 قاۋىپسىزدىك كۋالىگىن العان ءبىرىنشى وپەراتور بولىپ تابىلادى جانە باسقا دا بارلىق الەمدىك وپەراتورلارمەن سالىستىرعاندا ەداۋىر دامىعان قاتىناستار جۇيەسىنە يە.
«ەگەمەن-اقپارات».