...تىرشىلىكتىڭ قاينار كوزى بۇرقىلداپ جاتقان جازيرالى جاركەنت جەرىنە جولىمىز تۇسكەندە پانفيلوۆ اۋدانىنىڭ بۇرىنعى اكىمى, بۇگىندە جامبىل اۋدانىنىڭ تىزگىنىن ۇستاپ وتىرعان ماحاببات بيگەلديەۆ ەڭبەكتەن باقىتىن تاپقان ەڭبەك ەرلەرى كۇلاش ايتجانوۆا مەن اداليات ماشۋروۆا ەسىمدەرىن ءبىرىنشى كەزەكتە ايتقان ەدى. رەسپۋبليكامىزدا جۇگەرى وندىرەتىن بىردەن-ءبىر اۋداندا جۇگەرىدەن مول ءونىم الىپ, ءوز زامانىندا ەڭبەكتىڭ كورىگىن قىزدىرعان سول انالارعا جولىقتىق.
...تىرشىلىكتىڭ قاينار كوزى بۇرقىلداپ جاتقان جازيرالى جاركەنت جەرىنە جولىمىز تۇسكەندە پانفيلوۆ اۋدانىنىڭ بۇرىنعى اكىمى, بۇگىندە جامبىل اۋدانىنىڭ تىزگىنىن ۇستاپ وتىرعان ماحاببات بيگەلديەۆ ەڭبەكتەن باقىتىن تاپقان ەڭبەك ەرلەرى كۇلاش ايتجانوۆا مەن اداليات ماشۋروۆا ەسىمدەرىن ءبىرىنشى كەزەكتە ايتقان ەدى. رەسپۋبليكامىزدا جۇگەرى وندىرەتىن بىردەن-ءبىر اۋداندا جۇگەرىدەن مول ءونىم الىپ, ءوز زامانىندا ەڭبەكتىڭ كورىگىن قىزدىرعان سول انالارعا جولىقتىق.
«اللاتاعالا: «ادامعاعۇمىربەردىم, كورەتىنجارىق, ءتاتاتىندام, تاۋسىلماسارمانبەردىم, بىراقنيەتىنوزىنەقالدىردىم», دەپتى. قانداي جۇمىس ىستەسەم دە تەك جاقسى دەگەن باعا الىپ, حالىق قۇرمەتىنە بولەندىم. سول ەلىم «وي, ءادالياتىم-اي, قازاق, ۇيعىرعا بىردەي ءادالياتىم-اي» دەيتىن. قازىر ويلاپ وتىرسام ومىراۋىما التىن جۇلدىز تاققانىم دا ءبىر تاريحي وقيعا ەكەن. تاڭەرتەڭ قورا سىپىرىپ جۇرسەم, اۋىلدىق كەڭەستىڭ توراعاسى اپا سىزگە ەڭبەك ەرى اتاعى كەلدى عوي دەگەندە سەنەرىمدى دە, سەنبەسىمدى دە بىلمەدىم. ارتىنشا گۇل شوقتارىن كوتەرگەن وقۋشىلار ءماز بولىپ قۇتتىقتاپ, ارتى ەرەسەكتەر لەبىزىمەن جالعاستى. قۋانىشتان جىلاپ جۇرگەندەرى دە بار. ەڭ باستى ۇستانىمىم – ادىلدىكتىڭ اق تۋىن جەلبىرەتۋ, ءيا اركىم سىيلاسقاننىڭ ق ۇلى. كۇرەجولدىڭ ۇستىڭگى جاعىندا كۇلاش احمەتوۆا جۇگەرى ءوسىرىپ ەڭبەك ەرى اتانسا, سول جولدىڭ استىڭعى قاباتىندا مەن ەڭبەك ەتتىم. ارامىزدا پايدا بولعان جاقسى ءبىر سىيلاستىقتى ەڭبەكپەن بايلانىستىرامىن. اتىن تۋرا اتاماي كۇلاتايىم دەيمىن. قاتار ءجۇرىپ جۇگەرى ەگىلەتىن القاپتار قۇنارلىلىعىن ارتتىرۋ ءۇشىن اعاش كوشەتىن تىگىپ, توپىراقتىڭ قۋاتتىلىعىن ارتتىرىپ, گۇلدەگەن سوڭ, وتايتىنبىز. ەلىمە رازىمىن. كەشەگى ەڭبەك تۋرالى ايتسام, القاپقا ءبىر تاس تۇسسە وي بۇل تاس تۇقىم سەپكىشكە زيانىن تيگىزەدى عوي دەپ شىر-پىرىمىز شىعاتىن. اياعىمىزدان رەزەڭكە ەتىگىمىزدى شەشپەي جۇگەرىنىڭ ءار ساباعىنا سۋ جەتۋىن قامتيتىنبىز. ەڭ باستىسى, جۇرەگىمىزبەن بەرىلە ەڭبەك ەتەتىن ەدىك. قازىر سونداي ديقاندار جوق شىعار. ايەل زاتى بولساق تا ەر ازاماتتاردان كەم قالماي جۇمىس ىستەدىك», دەدى اداليات ماشۋروۆا.
كوپتەگەن ماراپاتاۋلاردىڭ ىشىندە اداليات اپا ماشۋروۆا ءۇشىن كسرو جوعارعى كەڭەسىنىڭ 1945 جىلى 6 ماۋسىمداعى « ۇلى وتان سوعىسىنداعى ەڭبەگى ءۇشىن» مەدالى وتە قادىرلى. ەندى شە, 15 جاستاعى قىز ءۇشىن بۇل ۇلكەن ماراپات ەمەس پە. 1966 جىلى «ۆير-156» سورتىنىڭ ءار گەكتارىنان 60 تسەنتنەردىڭ ورنىنا 80 تسەنتنەر ءونىم العانى ءۇشىن ۇلكەن قۇرمەتكە بولەنىپ, 1971 جىلى لەنين وردەنى, 1979 جىلى سوتسياليستىك ەڭبەك ەرى اتاعى بەرىلىپ, التىن جۇلدىز جانە لەنين وردەنى تاپسىرىلدى. 2000 جىلى پانفيلوۆ اۋدانىنىڭ, ال 2008 جىلى «الماتى وبلىسىنىڭ قۇرمەتتى ازاماتى» اتاعى, 2013 جىلى «كاسىپكەرلەر مەن اۋىل شارۋاشىلىعى قىزمەتكەرلەرى اسسوتسياتسياسى» رەسپۋبليكالىق قوعامدىق قورى جانىنان قۇرالعان «قازاقستان مەتسەناتتار كلۋبى» تاعايىنداعان «يلھام» سىيلىعى تابىستالدى.
«شەجىن اۋىلىندا قازاقتىڭ حاس سۋرەتشىسى ءابىلحان قاستەەۆ اتامەن كورشى تۇرىپ, بالالارىمەن بىرگە ءوستىم. 2 جاسىمدا اكەم سوعىسقا اتتانىپ, قۇدايدىڭ قۇدىرەتىمەن شەشەم ەكەۋمىز قالدىق. تۇرمىستىق جاعداي اسەر ەتتى مە, ايتەۋىر, ءبىر كۇش پايدا بولدى. شەشەم شەجىننىڭ تاسىن ساناپ, كەتپەن شاۋىپ ءوتتى. 8 جاسىمدا شەشەمنىڭ ەتەگىنەن ۇستاپ ايىرىلماعاندىقتان شىعار, جارىقتىق, «وسى كەتپەن مەنىمەن كەتسىن, بالا بولىپ ويناساڭشى» دەپ ۇرساتىن. سوندا مەنىڭ كەتپەنىم قۇتتى كەتپەن دەپ جۇمىس اراسىندا دەمالىپ وتىرعان ايەلدەر وتىرعان جەردى شىر اينالدىرا شاۋىپ تاستايتىن ەدىم. 13 جاسىمدا كولحوزعا مۇشە بولىپ, قوي قىرقۋمەن جۇمىسىم باستالدى. بىردە قۇلاپ تۇسەم, بىردە شاشىمدى تروسس ج ۇلىپ كەتەدى. بىراق العان بەتىمنەن قايتپاي كۇنىنە 80-90 قوي قىرقاتىنمىن. ءسويتىپ ايتجاننىڭ قىرىقتىقشى قىزى دەگەن اتاق الدىم. سول اتاق جۇمىسقا دەگەن قۇلشىنىسىمدى ارتتىردى. 1957 جىلى تۇرمىسقا شىعىپ, ايەلدەرمەن بىرگە جۇگەرى وسىرۋگە كىرىستىم. ونىڭ باستى سەبەپكەرى ۋاقىت اتتى تورەشى دەسەم قاتەلەسپەيمىن. زامانا تالابىنى سايكەس تەڭ-تۇستارىم رەسپۋبليكامىزدىڭ ءار تۇكپىرىنەن ەرەن ەڭبەك ۇلگىسىن كورسەتۋگە توپتار قۇرىپ, باستامالار كوتەرگە