ەلوردادا 2020 جىلعى 13 ناۋرىزدان باستاپ №1 اۆتوبۋس پاركىندە جىلجىمالى قۇرامدى زارارسىزداندىرۋ جۇمىستارى باستالدى. اۆتوپارك 70 باعدار بويىنشا قىزمەت كورسەتەدى, ونىڭ ىشىندە 40 قالالىق, 6 ەكسپرەسس جانە 24 قالا ماڭىنا قاتىنايتىن باعدارلار بار. جالپى اۆتوبۋستار سانى 661 بىرلىكتى قۇرايدى.
جۇرگىزۋشىلەر سوڭعى ايالدامالاردا كۇنىنە ەكى رەت اۆتوبۋستاردىڭ ءىشىن, ياعني ادام قولى تيەتىن جەرلەردى: شىنتاقشالاردى, ەسىك تۇتقالارىن, ورىندىقتار مەن ۆاليداتورلاردى دەزينفەكتسيالايدى.
تابلەتكالار «س-01» دەپ اتالادى. ءونىم قازاقستاندا جاسالعان. بۇل دەزينفەكتسيالىق ەرىتىندى اللەرگيانى تۋدىرمايدى جانە ەشقانداي ءيىس شىعارمايدى.
اۋىسىم اياقتالعاننان كەيىن باعدارلار جۋ ورنىنا كىرەدى, وندا بارلىعىن كولىك جۋشىلار تازارتادى.
بۇگىندە ەلوردا قوعامدىق كولىگىنە 6 اۆتوبۋس پاركى قىزمەت كورسەتەدى. باعدارلىق جەلى 93 مارشرۋتتان تۇرادى, ونىڭ ىشىندە 63 قالالىق, 6 ەكپرەسس جانە 24 قالا ماڭىنا قاتىنايتىن باعدارلار بار. كۇن سايىن 800-گە جۋىق اۆتوبۋس جولعا شىعادى. قازىرگى ۋاقىتتا بارلىق باعدارلار بەكىتىلگەن كەستەگە سايكەس قاتىنايدى.
اۆتوبۋستاردىڭ سوڭعى ايالدامالارىندا دەزينفەكتسيالىق ەرىتىندىلەرمەن زارارسىزداندىرۋ ءۇشىن CTS كومپانياسى ەلوردانىڭ بارلىق اۆتوبۋس پاركتەرىنە حاتتار جولدادى.